Edition
Hide
Ad Demetrianum [CSEL]
§ 11
Tantus cladium terror dare non potest innocentiae disciplinam et inter populum frequenti strage morientem nemo considerat et se esse mortalem. passim discurritur1, rapitur, occupatur: praedandi dissimulatio nulla, nulla cunctatio: quasi liceat, quasi oporteat, quasi ille qui non rapit damnum et dispendium proprium sentiat, sic unusquisque rapere festinat. in latronibus est utcumque aliqua scelerum uerecundia2, auias fauces et desertas solitudines diligunt, et sic illic delinquitur, ut tamen delinquentium facinus tenebris et nocte ueletur. auaritia palam saeuit et ipsa audacia sua tuta in fori luce abruptae3 cupiditatis arma 4[P. 359] prostitnit5. inde falsarii, uenefici inde, inde in media ciuitate sicarii6 tam ad peccandum praecipites quam inpune peccantes. a nocente crimen admittitur, nec innocens qui uindicet inuenitur. de accusatore uel iudice metus nullus: inpunitatem consecuntur mali, dum modesti tacent, timent conscii, ueneunt iudicaturi. et idcirco per prophetam diuino spiritu et instinctu rei ueritas promitur, certa et manifesta ratio monstratur Dominum posse aduersa prohibere sed ne ille subueniat merita peccantium facere. numquid, ait, non ualet manus Dei, ut saluos faciat, aut grauabit aurem ut non exaudiat? sed peccata uestra inter uos et Deum separant, et propter delicta uestra auertit faciem a uobis ne misereatur. peccata itaque et delicta reputentur, conscientiae uulnera cogitentur, et desinat unusquisque de Deo uel de nobis conqueri, si quod patitur intellegat se mereri.
-
diseurritur ↩
-
uerooundia ↩
-
abmptae ↩
-
Apparatus: 1 poenas] plagas [^V; cf. 354, 13] 4 hostem q. exurgere [^om. S] 7 ac] eto 8 siccitas] sterilitas [^V] 9 praetiosam [^B] 10 flagrantias [^scripsi,] fraglantis S, flagrantiom [^W,] flagrantior Rv [^sed] or [^in B] corr. 11 nunc mi- [^nus v] 12 sint/S 13 pestis ipsa et luesB sint] siB 15 inhianti2 16 [^temerari SW1 B] 17 appeareat 81 snam S 18 forsitam [^S] et [^om. v] possent [^SBV,] possint Wv 20 tantum [^B] gladium [^ex] gladum [^Rm.2] 21 [^alterum] et om. 11 23 simnlatio v nulla [^om. W'] est cnnctatio [^S,]* cunctatio nulla formido est v 26 uericundia S 27 solitadines dilignntJ naletudines delines delinquunt S 28 uelletur Wl 29 lucem B I abrutae S ↩
-
Sic! ↩
-
sicani ↩
Edition
Hide
Ad Demetrianum [PL]
XI.
Tantus cladium terror dare non potest innocentiae disciplinam, et inter populum frequenti strage morientem, nemo considerat se esse mortalem. Passim discurritur, rapitur, occupatur. Praedandi dissimulatio nulla, nulla cunctatio. Quasi liceat, quasi oporteat, quasi ille qui non rapit damnum et dispendium proprium sentiat, sic unusquisque rapere [Col. 0552B] festinat. In latronibus est utcumque aliqua scelerum verecundia; avias fauces et desertas solitudines diligunt, et sic illic delinquitur, ut tamen delinquentium facinus tenebris et nocte veletur. Avaritia palam saevit, et, ipsa audacia sua tuta, in fori luce abruptae cupiditatis arma prostituit. Inde falsarii, inde venefici, inde in media civitate sicarii, tam ad peccandum praecipites quam impune peccantes. A nocente crimen admittitur, nec innocens qui vindicet invenitur. De accusatore vel judice metus nullus. Impunitatem consequuntur mali, dum modesti tacent, timent conscii, veneunt judicaturi. Et idcirco per Prophetam divino Spiritu et instinctu rei veritas promitur, certa et 220 manifesta ratione monstratur Deum posse adversa prohibere, sed ne ille subveniat [Col. 0552C] merita peccantium facere: Numquid,]: ait, non valet [Col. 0553A] manus Domini ut salvos vos faciat? aut gravavit aurem ut non exaudiat? Sed peccata vestra inter vos et Deum separant, et propter delicta vestra avertit faciem suam a nobis, ne misereatur 1. Peccata itaque et delicta reputentur, conscientiae vulnera cogitentur; et desinet unusquisque de Deo vel de nobis conqueri, si quod patitur intelligat se mereri.
-
(Isa. LIX, 1, 2) ↩