Edition ausblenden
Summa theologiae

Articulus 3

Iª-IIae q. 77 a. 3 arg. 1

Ad tertium sic proceditur. Videtur quod peccatum quod est ex passione, non debeat dici ex infirmitate. Passio enim est quidam vehemens motus appetitus sensitivi, ut dictum est. Vehementia autem motus magis attestatur fortitudini quam infirmitati. Ergo peccatum quod est ex passione, non debet dici ex infirmitate.

Iª-IIae q. 77 a. 3 arg. 2

Praeterea, infirmitas hominis maxime attenditur secundum illud quod est in eo fragilius. Hoc autem est caro, unde dicitur in Psalmo LXXVII, recordatus est quia caro sunt. Ergo magis debet dici peccatum ex infirmitate quod est ex aliquo corporis defectu, quam quod est ex animae passione.

Iª-IIae q. 77 a. 3 arg. 3

Praeterea, ad ea non videtur homo esse infirmus, quae eius voluntati subduntur. Sed facere vel non facere ea ad quae passio inclinat, hominis voluntati subditur, secundum illud Gen. IV, sub te erit appetitus tuus, et tu dominaberis illius. Ergo peccatum quod est ex passione, non est ex infirmitate.

Iª-IIae q. 77 a. 3 s. c.

Sed contra est quod Tullius, in IV libro de Tuscul. quaest., passiones animae aegritudines vocat. Aegritudines autem alio nomine infirmitates dicuntur. Ergo peccatum quod est ex passione, debet dici ex infirmitate.

Iª-IIae q. 77 a. 3 co.

Respondeo dicendum quod causa peccati propria est ex parte animae in qua principaliter est peccatum. Potest autem dici infirmitas in anima ad similitudinem infirmitatis corporis. Dicitur autem corpus hominis esse infirmum, quando debilitatur vel impeditur in executione propriae operationis, propter aliquam inordinationem partium corporis, ita scilicet quod humores et membra hominis non subduntur virtuti regitivae et motivae corporis. Unde et membrum dicitur esse infirmum, quando non potest perficere operationem membri sani, sicut oculus quando non potest clare videre, ut dicit philosophus, in X de historiis animalium. Unde et infirmitas animae dicitur quando impeditur anima in propria operatione, propter inordinationem partium ipsius. Sicut autem partes corporis dicuntur esse inordinatae, quando non sequuntur ordinem naturae; ita et partes animae dicuntur inordinatae, quando non subduntur ordini rationis, ratio enim est vis regitiva partium animae. Sic ergo quando extra ordinem rationis vis concupiscibilis aut irascibilis aliqua passione afficitur, et per hoc impedimentum praestatur modo praedicto debitae actioni hominis, dicitur peccatum esse ex infirmitate. Unde et philosophus, in I Ethic., comparat incontinentem paralytico, cuius partes moventur in contrarium eius quod ipse disponit.

Iª-IIae q. 77 a. 3 ad 1

Ad primum ergo dicendum quod, sicut quanto fuerit motus fortior in corpore praeter ordinem naturae, tanto est maior infirmitas; ita quanto fuerit motus fortior passionis praeter ordinem rationis, tanto est maior infirmitas animae.

Iª-IIae q. 77 a. 3 ad 2

Ad secundum dicendum quod peccatum principaliter consistit in actu voluntatis, qui non impeditur per corporis infirmitatem, potest enim qui est corpore infirmus, promptam habere voluntatem ad aliquid faciendum. Impeditur autem per passionem, ut supra dictum est. Unde cum dicitur peccatum esse ex infirmitate, magis est referendum ad infirmitatem animae quam ad infirmitatem corporis. Dicitur tamen etiam ipsa infirmitas animae infirmitas carnis, inquantum ex conditione carnis passiones animae insurgunt in nobis, eo quod appetitus sensitivus est virtus utens organo corporali.

Iª-IIae q. 77 a. 3 ad 3

Ad tertium dicendum quod in potestate quidem voluntatis est assentire vel non assentire his in quae passio inclinat, et pro tanto dicitur noster appetitus sub nobis esse. Sed tamen ipse assensus vel dissensus voluntatis impeditur per passionem, modo praedicto.

Übersetzung ausblenden
Summe der Theologie

Dritter Artikel. Die „Sünde aus Leidenschaft“ wird mit Recht „Sünde aus Schwache“ genannt.

a) Hier kann von keiner Schwäche die Rede sein. Denn: I. Die Leidenschaft ist eine heftige Bewegung des sinnlichen Begehrens. Dies aber zeigt mehr eine gewisse Stärke an wie Schwäche. II. Die Schwäche des Menschen richtet sich nach dem Gebrechlichen in ihm. Da aber sagt der Ps. 77.: „Er hat sich erinnert, daß sie Fleisch sind.“ Also „Sünde aus Schwäche“ muß genannt werden, was aus irgend einem Fehler des Körpers hervorgeht; und nicht was der Leidenschaft entspringt. III. Darin ist der Mensch nicht schwach, was in seiner Gewalt steht. Die Leidenschaft aber steht in der Gewalt des Menschen nach Gen. 4.: „Unter dir wird dein Begehren sein und du wirst es beherrschen.“ Auf der anderen Seite sagt Cicero (4 Tuscul.): „Die Leidenschaften der Seele sind Krankheiten;“ also Schwächen.

b) Ich antworte, die Ursache der Sünde sei an erster Stelle auf seiten der Seele. Es kann jedoch von „Schwäche der Seele“ gesprochen werden gemäß dem daß man von Körperschwäche spricht. Dann nämlich ist der Körper des Menschen schwach, wenn er gehindert wird in der Vollendung seiner Thätigkeit auf Grund einer Unordnung in den Teilen des Körpers, so zwar daß die Säfte und Glieder des Menschen nicht Unterthan sind der leitenden und bewegenden Kraft im Körper; wie auch das Auge krank genannt wird, wenn es nicht klar sehen kann, und so ähnlich bei den anderen Gliedern. Also wird die Seele schwach genannt, wann sie gehindert wird in der ihr eigenen Thätigkeit infolge der Unordnung in ihren Vermögen. Was nun bei den körperlichen Organen die Richtschnur der Natur ist, das ist bei der Seele die Richtschnur der Vernunft. Wenn also außerhalb der Ordnung der Vernunft die Begehr- oder Abwehrkraft von einer Leidenschaft betroffen wird und damit ein Hindernis ersteht für die gebührende Leistung des menschlichen Thätigseins, so ist dies eine Sünde aus Schwäche. Daher vergleicht Aristoteles den Unkeuschen einem Fallsüchtigen, dessen Glieder dahin sich bewegen, wohin er nicht will.

c) I. Je stärker im Körper die Bewegung ist gegen die Richtschnur der Natur, desto größer ist die Schwäche. Und so verhält es sich mit der Leidenschaft in der Seele mit Rücksicht auf die Vernunft. II. Die Sünde besteht in erster Linie im Willensakte, der durch keine körperliche Krankheit in seiner Freiheit gehindert wird; sie wird aber gehindert durch die Leidenschaft. Also ist die Schwäche der Seele vielmehr auf die Leidenschaft als ihren Quell zurückzuführen wie auf körperliche Gebrechlichkeit. Die Schwäche der Seele aber selber wird Fleischesschwäche genannt, insoweit infolge der Beschaffenheit des Fleisches die Leidenschaften in uns erstehen; denn das sinnliche Begehren ist gebunden in seiner wesentlichen Thätigkeit an stoffliche Organe. III. Es ist allerdings in unserer Gewalt, der Leidenschaft beizustimmen oder nicht; und darauf bezieht sich Gen. 4, 7. Jedoch in der Leidenschaft ist ein Hindernis für dieses Zustimmen oder Nichtzustimmen gegeben, je, nachdem der Wille entscheidet.