Edition ausblenden
Summa theologiae

Articulus 2

IIª-IIae q. 5 a. 2 arg. 1

Ad secundum sic proceditur. Videtur quod in Daemonibus non sit fides. Dicit enim Augustinus, in libro de Praed. Sanct., quod fides consistit in credentium voluntate. Haec autem voluntas bona est qua quis vult credere Deo. Cum igitur in Daemonibus non sit aliqua voluntas deliberata bona, ut in primo dictum est, videtur quod in Daemonibus non sit fides.

IIª-IIae q. 5 a. 2 arg. 2

Praeterea, fides est quoddam donum divinae gratiae, secundum illud Ephes. II, gratia estis salvati per fidem, donum enim Dei est. Sed Daemones dona gratuita amiserunt per peccatum, ut dicitur in Glossa, super illud Osee III, ipsi respiciunt ad deos alienos, et diligunt vinacia uvarum. Ergo fides in Daemonibus post peccatum non remansit.

IIª-IIae q. 5 a. 2 arg. 3

Praeterea, infidelitas videtur esse gravius inter peccata, ut patet per Augustinum, super illud Ioan. XV, si non venissem, et locutus eis non fuissem, peccatum non haberent, nunc autem excusationem non habent de peccato suo. Sed in quibusdam hominibus est peccatum infidelitatis. Si igitur fides esset in Daemonibus, aliquorum hominum peccatum esset gravius peccato Daemonum. Quod videtur esse inconveniens. Non ergo fides est in Daemonibus.

IIª-IIae q. 5 a. 2 s. c.

Sed contra est quod dicitur Iac. II, Daemones credunt et contremiscunt.

IIª-IIae q. 5 a. 2 co.

Respondeo dicendum quod, sicut supra dictum est, intellectus credentis assentit rei creditae non quia ipsam videat vel secundum se vel per resolutionem ad prima principia per se visa, sed propter imperium voluntatis. Quod autem voluntas moveat intellectum ad assentiendum potest contingere ex duobus. Uno modo, ex ordine voluntatis ad bonum, et sic credere est actus laudabilis. Alio modo, quia intellectus convincitur ad hoc quod iudicet esse credendum his quae dicuntur, licet non convincatur per evidentiam rei. Sicut si aliquis propheta praenuntiaret in sermone domini aliquid futurum, et adhiberet signum mortuum suscitando, ex hoc signo convinceretur intellectus videntis ut cognosceret manifeste hoc dici a Deo, qui non mentitur; licet illud futurum quod praedicitur in se evidens non esset, unde ratio fidei non tolleretur. Dicendum est ergo quod in fidelibus Christi laudatur fides secundum primum modum. Et secundum hoc non est in Daemonibus, sed solum secundo modo. Vident enim multa manifesta indicia ex quibus percipiunt doctrinam Ecclesiae esse a Deo; quamvis ipsi res ipsas quas Ecclesia docet non videant, puta Deum esse trinum et unum, vel aliquid huiusmodi.

IIª-IIae q. 5 a. 2 ad 1

Ad primum ergo dicendum quod Daemonum fides est quodammodo coacta ex signorum evidentia. Et ideo non pertinet ad laudem voluntatis ipsorum quod credunt.

IIª-IIae q. 5 a. 2 ad 2

Ad secundum dicendum quod fides quae est donum gratiae inclinat hominem ad credendum secundum aliquem affectum boni, etiam si sit informis. Unde fides quae est in Daemonibus non est donum gratiae; sed magis coguntur ad credendum ex perspicacitate naturalis intellectus.

IIª-IIae q. 5 a. 2 ad 3

Ad tertium dicendum quod hoc ipsum Daemonibus displicet quod signa fidei sunt tam evidentia ut per ea credere compellantur. Et ideo in nullo malitia eorum minuitur per hoc quod credunt.

Übersetzung ausblenden
Summe der Theologie

Zweiter Artikel. In den Teufeln ist Glauben.

a) Dies scheint nicht. Denn: I. „Der Glaube besteht im Willen der Gläubigen,“ sagt Augustin. Der Wille der Teufel aber ist schlecht. II. „Der Glaube ist eine Gnadengabe Gottes,“ nach Ephes. 2. Die Teufel aber haben die Gnade verloren. III. Der Unglaube ist die schwerste Sünde, wie Augustin erklärt (tract. 89. in Joan.) zu den Worten des Herrn, Joh. 15.: „Wenn ich nicht gekommen wäre und zu ihnen gesprochen hätte, würden sie keine Sünde haben; nun aber haben sie keine Entschuldigung für ihre Sünde.“ Hätten also die Teufel Glauben, so wären manche Menschen, die im Unglauben sind, größere Sünder wie die Teufel; was unzulässig erscheint. Auf der anderen Seite sagt Jakobus (2.): „Die Teufel glauben und zittern.“

b) Ich antworte, die Vernunft stimme der im Glauben ihr vorgestellten Sache zu auf Grund des Befehls, der vom Willen ausgeht. Der Wille kann nun zum Glauben bestimmen 1. auf Grund seiner Hinneigung zum Guten; und so ist glauben ein lobenswerter Akt; — 2. auf Grund von Wundern und Zeichen, z.B. von Totenerweckungen, welche die Rede des Glaubens begleiten, so daß offenbar die Vernunft erkennt, es müsse dies von Gott kommen, der nicht lügt; obgleich das, was gesagt wird, für sich nicht evident ist, so daß der Wesenscharakter des Glaubens nicht entfernt wird. Und in dieser letzteren Weise glauben die Teufel. Denn sie sehen viele offenbare Anzeichen, daß die Lehre der Kirche von Gott komme, obgleich sie die Wahrheiten, welche die Kirche lehrt, nicht in diesen selbst schauen; wie z. B. daß Gott dreieinig ist u. dgl.

c) I. Der Glaube der Teufel ist gewissermaßen erzwungen durch die Evidenz der Zeichen und Wunder; also ist da für ihren Willen nichts Lobenswertes. II. Die Gnadengabe des Glaubens, auch des ungeformten, neigt den Menschen hin zum Glauben gemäß der Richtung des Willens auf das Gute. Der Glaube in den Teufeln also ist keine Gnadengabe, sondern erzwungen vielmehr durch die durchdringende Kraft ihrer natürlichen Vernunft. III. Der Umstand selber, daß die Zeichen und Wunder, welche den Glauben begleiten, so evident sind, daß sie dadurch zum Glauben gezwungen werden, mißfällt den Teufeln; und wird somit dadurch in nichts ihre Bosheit gemindert.