Edition ausblenden
Summa theologiae

Articulus 8

IIª-IIae q. 43 a. 8 arg. 1

Ad octavum sic proceditur. Videtur quod temporalia sint dimittenda propter scandalum. Magis enim debemus diligere spiritualem salutem proximi, quae impeditur per scandalum, quam quaecumque temporalia bona. Sed id quod minus diligimus dimittimus propter id quod magis diligimus. Ergo temporalia magis debemus dimittere ad vitandum scandalum proximorum.

IIª-IIae q. 43 a. 8 arg. 2

Praeterea, secundum regulam Hieronymi, omnia quae possunt praetermitti salva triplici veritate, sunt propter scandalum dimittenda. Sed temporalia possunt praetermitti salva triplici veritate. Ergo sunt propter scandalum dimittenda.

IIª-IIae q. 43 a. 8 arg. 3

Praeterea, in temporalibus bonis nihil est magis necessarium quam cibus. Sed cibus est praetermittendus propter scandalum, secundum illud Rom. XIV, noli cibo tuo illum perdere pro quo Christus mortuus est. Ergo multo magis omnia alia temporalia sunt propter scandalum dimittenda.

IIª-IIae q. 43 a. 8 arg. 4

Praeterea, temporalia nullo convenientiori modo conservare aut recuperare possumus quam per iudicium. Sed iudiciis uti non licet, et praecipue cum scandalo, dicitur enim Matth. V, ei qui vult tecum in iudicio contendere et tunicam tuam tollere, dimitte ei et pallium; et I ad Cor. VI, iam quidem omnino delictum est in vobis quod iudicia habetis inter vos. Quare non magis iniuriam accipitis? Quare non magis fraudem patimini? Ergo videtur quod temporalia sint propter scandalum dimittenda.

IIª-IIae q. 43 a. 8 arg. 5

Praeterea, inter omnia temporalia minus videntur dimittenda quae sunt spiritualibus annexa. Sed ista sunt propter scandalum dimittenda, apostolus enim, seminans spiritualia, temporalia stipendia non accepit, ne offendiculum daret Evangelio Christi, ut patet I ad Cor. IX; et ex simili causa Ecclesia in aliquibus terris non exigit decimas, propter scandalum vitandum. Ergo multo magis alia temporalia sunt propter scandalum dimittenda.

IIª-IIae q. 43 a. 8 s. c.

Sed contra est quod beatus Thomas Cantuariensis repetiit res Ecclesiae cum scandalo regis.

IIª-IIae q. 43 a. 8 co.

Respondeo dicendum quod circa temporalia bona distinguendum est. Aut enim sunt nostra, aut sunt nobis ad conservandum pro aliis commissa; sicut bona Ecclesiae committuntur praelatis, et bona communia quibuscumque reipublicae rectoribus. Et talium conservatio, sicut et depositorum, imminet his quibus sunt commissa ex necessitate. Et ideo non sunt propter scandalum dimittenda, sicut nec alia quae sunt de necessitate salutis. Temporalia vero quorum nos sumus domini dimittere, ea tribuendo si penes nos ea habeamus, vel non repetendo si apud alios sint, propter scandalum quandoque quidem debemus, quandoque autem non. Si enim scandalum ex hoc oriatur propter ignorantiam vel infirmitatem aliorum, quod supra diximus esse scandalum pusillorum; tunc vel totaliter dimittenda sunt temporalia; vel aliter scandalum sedandum, scilicet per aliquam admonitionem. Unde Augustinus dicit, in libro de Serm. Dom. in monte, dandum est quod nec tibi nec alteri noceat, quantum ab homine credi potest. Et cum negaveris quod petit, indicanda est ei iustitia, et melius ei aliquid dabis, cum petentem iniuste correxeris. Aliquando vero scandalum nascitur ex malitia, quod est scandalum Pharisaeorum. Et propter eos qui sic scandala concitant non sunt temporalia dimittenda, quia hoc et noceret bono communi, daretur enim malis rapiendi occasio; et noceret ipsis rapientibus, qui retinendo aliena in peccato remanerent. Unde Gregorius dicit, in Moral., quidam, dum temporalia nobis rapiunt, solummodo sunt tolerandi, quidam vero, servata aequitate, prohibendi; non sola cura ne nostra subtrahantur, sed ne rapientes non sua semetipsos perdant.

IIª-IIae q. 43 a. 8 ad 1

Et per hoc patet solutio ad primum.

IIª-IIae q. 43 a. 8 ad 2

Ad secundum dicendum quod si passim permitteretur malis hominibus ut aliena raperent, vergeret hoc in detrimentum veritatis vitae et iustitiae. Et ideo non oportet propter quodcumque scandalum temporalia dimitti.

IIª-IIae q. 43 a. 8 ad 3

Ad tertium dicendum quod non est de intentione apostoli monere quod cibus totaliter propter scandalum dimittatur, quia sumere cibum est de necessitate salutis. Sed talis cibus est propter scandalum dimittendus, secundum illud I ad Cor. VIII, non manducabo carnem in aeternum, ne fratrem meum scandalizem.

IIª-IIae q. 43 a. 8 ad 4

Ad quartum dicendum quod secundum Augustinum, in libro de Serm. Dom. in monte, illud praeceptum domini est intelligendum secundum praeparationem animi, ut scilicet homo sit paratus prius pati iniuriam vel fraudem quam iudicium subire, si hoc expediat. Quandoque tamen non expedit, ut dictum est. Et similiter intelligendum est verbum apostoli.

IIª-IIae q. 43 a. 8 ad 5

Ad quintum dicendum quod scandalum quod vitabat apostolus ex ignorantia procedebat gentilium, qui hoc non consueverant. Et ideo ad tempus abstinendum erat, ut prius instruerentur hoc esse debitum. Et ex simili causa Ecclesia abstinet de decimis exigendis in terris in quibus non est consuetum decimas solvere.

Übersetzung ausblenden
Summe der Theologie

Achter Artikel. Zeitliche Güter sind nicht ans Furcht vor Ärgernis schlechthin und ohne weiteres bedingungslos beiseite zu lassen.

a) Das Gegenteil wird bewiesen. Denn: I. Das geistige Heil des Nächsten müssen wir mehr lieben wie jegliches zeitliche Gut. Das geistige Heil des Nächsten aber wird gehindert durch das Ärgernis. Also was auch immer für zeitliche Güter müssen beiseite gelassen werden um eines Ärgernisses willen. II. Die zeitlichen Güter gehören weder zur Wahrheit des Lebens, noch zu jener der Lehre noch zu jener der Gerechtigkeit. (Vgl. Art. 7 ad IV.) III. Unter den zeitlichen Gütern ist die Speise das Notwendigste. Diese aber soll man hintenansetzen, wenn die Gefahr droht, ein Ärgernis zu geben, nach Röm. 14.: „Stürze nicht um der Speise willen jenen in das Verderben, für den Christus gestorben ist.“ IV. Zeitliche Güter werden am besten durch gerichtliches Urteil bewahrt oder wieder erlangt. Solches Urteil aber einzuholen, ist nicht erlaubt; nach Matth. 5.: „Wer mit dir vor Gericht streiten will, damit er dein Kleid erhalte; dem überlasse auch den Mantel,“ und 1. Kor. 6.: „Schon ist es für euch ein Vergehen, daß ihr vor Gericht geht. Weshalb leidet ihr nicht lieber Unrecht?“ V. Selbst jene zeitlichen Güter, die den geistigen am nächsten stehen, soll man um des Ärgernisses willen beiseite lassen, wie den zeitlichen Unterhalt für die Spendung geistiger Güter, „damit dem Evangelium kein Hindernis bereitet würde.“ (1. Kor. 9.) Und deshalb nimmt auch die Kirche in manchen Ländern nicht den Zehnten. Also gilt das noch weit mehr für alle übrigen zeitlichen Güter. Auf der anderen Seite verlangte der heilige Thomas von Canterbury die Güter der Kirche, trotzdem der König daran Anstoß nahm.

b) Ich antworte, die zeitlichen Güter, die uns zur Verwaltung anvertraut sind, sei es von der Kirche sei es vom Staate, dürfen wir nicht preisgeben um irgend welchen Ärgernisses willen. Hier gilt dasselbe was von dem zum Heile Notwendigen. Die zeitlichen Güter aber, die unser Eigentum sind, müssen wir manchmal festhalten oder sie wieder verlangen; und manchmal nicht. Handelt es sich nämlich um ein „Ärgernis der Kleinen“, also um ein Ärgernis aus Schwäche oder Unkenntnis, so sind solche Güter preiszugeben oder das Ärgernis ist durch geeignete Erklärungen zu heben. Deshalb sagt Augustin (1. de serm. Dom. 20.): „Man soll geben, was dem anderen nicht schadet, soweit der betreffende dies voraussetzen kann; und wenn du abschlägst was der andere erbittet, sollst du den gerechten Grund anzeigen und du wirst dem bittenden etwas Besseres gegeben haben, wenn du ihn, der mit Unrecht verlangt, besserst.“ Handelt es sich um ein „Ärgernis der Pharisäer“, also aus Bosheit, so soll man keine zeitlichen Güter preisgeben. Denn das würde dem Gemeinbesten sowohl schaden (die bösen nämlich würden dadurch ermutigt werden, von neuem Ärgernisse zu erregen, und eine Gelegenheit zu rauben würde dies sein) als auch dem Besten derer, die Ärgernisse erregen, weil sie unrechtes Gut behalten und in der Sünde bleiben würden. Deshalb sagt Gregor (31. moral. 8.): „Manche sind, wenn sie uns zeitliche Güter nehmen, nur zu dulden; andere sind unter Beobachtung der Billigkeit zu hindern nicht nur auf Grund der Sorge, daß das Unsrige uns entzogen werde, sondern auch damit jene die das, was ihnen nicht gehört, rauben, nicht sich selbst zu Grunde richten.“

c) I. Damit beantwortet. II. Wenn den bösen hie und da erlaubt würde, fremdes Gut zu rauben, so würde dies der Wahrheit des Lebens, der Wahrheit, der Gerechtigkeit zum Schaden gereichen. III. Nicht die Speise überhaupt verbietet der Apostel, wenn Ärgernis droht, sondern eine so beschaffene bestimmte Speise, nach 1. Kor. 8.: „Ich will in Ewigkeit kein Fleisch essen, wenn ich dadurch meinem Bruder Ärgernis gebe.“ IV. Jenes Gebot ist nach Augustin (1. de serm. Dom. 19.) zu verstehen von der Bereitwilligkeit des Herzens; daß nämlich der Mensch bereit sei, lieber Unrecht zu leiden als vor Gericht zu gehen, wenn so es nützlich ist. Manchmal ist (vgl. ad II.) dies aber nicht nützlich V. Das Ärgernis, welches der Apostel vermeiden wollte, kam von der Unkenntnis der Heiden, die daran nicht gewohnt waren. Also mußte man sich dessen enthalten, bis der gehörige Unterricht erteilt war. Ähnlich enthält sich die Kirche in den Ländern, wo diese Gewohnheit nicht herrscht, der Forderung des Zehnten.