Edition ausblenden
Summa theologiae

Articulus 6

IIª-IIae q. 49 a. 6 arg. 1

Ad sextum sic proceditur. Videtur quod providentia non debeat poni pars prudentiae. Nihil enim est pars sui ipsius. Sed providentia videtur idem esse quod prudentia, quia ut Isidorus dicit, in libro Etymol., prudens dicitur quasi porro videns, et ex hoc etiam nomen providentiae sumitur, ut Boetius dicit, in fine de Consol. Ergo providentia non est pars prudentiae.

IIª-IIae q. 49 a. 6 arg. 2

Praeterea, prudentia est solum practica. Sed providentia potest etiam esse speculativa, quia visio, ex qua sumitur nomen providentiae, magis pertinet ad speculativam quam ad operativam. Ergo providentia non est pars prudentiae.

IIª-IIae q. 49 a. 6 arg. 3

Praeterea, principalis actus prudentiae est praecipere, secundarii autem iudicare et consiliari. Sed nihil horum videtur importari proprie per nomen providentiae. Ergo providentia non est pars prudentiae.

IIª-IIae q. 49 a. 6 s. c.

Sed contra est auctoritas Tullii et Macrobii, qui ponunt providentiam partem prudentiae, ut ex dictis patet.

IIª-IIae q. 49 a. 6 co.

Respondeo dicendum quod, sicut supra dictum est, prudentia proprie est circa ea quae sunt ad finem; et hoc ad eius officium proprie pertinet, ut ad finem debite ordinentur. Et quamvis aliqua necessaria sint propter finem quae subiiciuntur divinae providentiae, humanae tamen prudentiae non subiiciuntur nisi contingentia operabilia quae per hominem possunt fieri propter finem. Praeterita autem in necessitatem quandam transeunt, quia impossibile est non esse quod factum est. Similiter etiam praesentia, inquantum huiusmodi, necessitatem quandam habent, necesse est enim Socratem sedere dum sedet. Unde consequens est quod contingentia futura, secundum quod sunt per hominem in finem humanae vitae ordinabilia, pertineant ad prudentiam. Utrumque autem horum importatur in nomine providentiae, importat enim providentia respectum quendam alicuius distantis, ad quod ea quae in praesenti occurrunt ordinanda sunt. Unde providentia est pars prudentiae.

IIª-IIae q. 49 a. 6 ad 1

Ad primum ergo dicendum quod quandocumque multa requiruntur ad unum, necesse est unum eorum esse principale, ad quod omnia alia ordinantur. Unde et in quolibet toto necesse est esse unam partem formalem et praedominantem, a qua totum unitatem habet. Et secundum hoc providentia est principalior inter omnes partes prudentiae, quia omnia alia quae requiruntur ad prudentiam ad hoc necessaria sunt ut aliquid recte ordinetur ad finem. Et ideo nomen ipsius prudentiae sumitur a providentia, sicut a principaliori sua parte.

IIª-IIae q. 49 a. 6 ad 2

Ad secundum dicendum quod speculatio est circa universalia et circa necessaria, quae secundum se non sunt procul, cum sint ubique et semper, etsi sint procul quoad nos, inquantum ab eorum cognitione deficimus. Unde providentia non proprie dicitur in speculativis, sed solum in practicis.

IIª-IIae q. 49 a. 6 ad 3

Ad tertium dicendum quod in recta ordinatione ad finem, quae includitur in ratione providentiae, importatur rectitudo consilii et iudicii et praecepti, sine quibus recta ordinatio ad finem esse non potest.

Übersetzung ausblenden
Summe der Theologie

Sechster Artikel. Die Fürsorge ist ein Teil der Klugheit.

a) Dem steht entgegen: I. Klug ist ganz dasselbe wie vorsorgend, nach Isidor (10 Etymol. P.) II. Die Klugheit ist bloß auf das Thätigsein gerichtet. Die Fürsehung aber, was dasselbe ist wie Fürsorge, kann auch ein rein beschauliches Erkennen sein; ein einfaches Schauen dessen, was fern ist. III. Die Hauptthätigleit der Klugheit ist: Vorschreiben; die untergeordnete: Urteilen und Beraten. Nichts davon hat aber mit der Fürsorge etwas zu thun. Auf der anderen Seite stellen sie Makrobius und Cicero als Teil der Klugheit hin.

b) Ich antworte, die Klugheit beschäftige sich mit der gebührenden Regelung des Zweckdienlichen. Nun ist der göttlichen Fürsorge auch das Notwendige unterworfen, der menschlichen aber nur das Zufällige, was nämlich auch anders sich verhalten kann. Das Vergangene schließt zudem in sich gewissermaßen Notwendigkeit ein; denn es kann sich nicht mehr anders verhalten, und ebenso was gegenwärtig ist, denn während Sokrates sitzt, kann er nicht thatsächlich nicht sitzen. Also unterliegt das für die Zukunft Zufällige der menschlichen Zweckordnung und gehört somit zur Klugheit. Unter dem Namen Fürsorge wird nun eben diese Zweckordnung von selten des Menschen rücksichtlich des Zukünftigen verstanden. Denn Fürsorge deutet auf etwas Fernstehendes, worauf hin das Gegenwärtige bezogen werden soll. Also ist die Fürsorge ein Teil der Klugheit.

c) I. Wenn viele Elemente erfordert werden, um etwas Eines herzustellen, so ist ein bestimmtes unter diesen Elementen das hauptsächliche, woraufhin alle anderen Beziehung haben. In jeglichem Ganzen also ist ein Teil der maßgebend bestimmende, von dem alle anderen ihre Einheit haben. Und danach ist die Fürsorge der maßgebende Teil der Klugheit; denn alles Andere dient der Ordnung zum Zwecke hin. Deshalb heißt jemand, der fürsorglich ist, auch danach kurz klug. II. Die Beschaulichkeit hat zum Gegenstande das Allgemeine und Notwendige, was an sich nicht ferne steht, da es immer und überall ist; wenn wir auch nicht immer zu dessen ausreichender Kenntnis gelangen. Also Fürsorge, die im Namen selber auf das Fernstehende hinweist, ist nicht im Bereiche des Beschaulichen. III. Die zweckgemäße Ordnung schließt ein das gerade Urteil, das gute Beraten und das wirksame Vorschreiben.