Edition ausblenden
Summa theologiae

Articulus 6

IIª-IIae q. 83 a. 6 arg. 1

Ad sextum sic proceditur. Videtur quod homo non debeat temporalia petere a Deo orando. Quae enim orando petimus, quaerimus. Sed temporalia non debemus quaerere, dicitur enim Matth. VI, primum quaerite regnum Dei et iustitiam eius, et haec omnia adiicientur vobis, scilicet temporalia; quae non quaerenda dicit, sed adiicienda quaesitis. Ergo temporalia non sunt in oratione a Deo petenda.

IIª-IIae q. 83 a. 6 arg. 2

Praeterea, nullus petit nisi ea de quibus est sollicitus. Sed de temporalibus sollicitudinem habere non debemus, secundum quod dicitur Matth. VI, nolite solliciti esse animae vestrae, quid manducetis. Ergo temporalia petere orando non debemus.

IIª-IIae q. 83 a. 6 arg. 3

Praeterea, per orationem nostram mens debet elevari in Deum. Sed petendo temporalia descendit ad ea quae infra se sunt, contra id quod apostolus dicebat, II ad Cor. IV, non contemplantibus nobis quae videntur, sed quae non videntur, quae enim videntur, temporalia sunt; quae autem non videntur, aeterna. Ergo non debet homo temporalia in oratione a Deo petere.

IIª-IIae q. 83 a. 6 arg. 4

Praeterea, homo non debet petere a Deo nisi bona et utilia. Sed quandoque temporalia habita sunt nociva, non solum spiritualiter, sed etiam temporaliter. Ergo non sunt a Deo in oratione petenda.

IIª-IIae q. 83 a. 6 s. c.

Sed contra est quod dicitur Prov. XXX, tribue tantum victui meo necessaria.

IIª-IIae q. 83 a. 6 co.

Respondeo dicendum quod, sicut Augustinus dicit, ad Probam, de orando Deum, hoc licet orare quod licet desiderare. Temporalia autem licet desiderare, non quidem principaliter, ut in eis finem constituamus; sed sicut quaedam adminicula quibus adiuvamur ad tendendum in beatitudinem, inquantum scilicet per ea vita corporalis sustentatur, et inquantum nobis organice deserviunt ad actus virtutum, ut etiam philosophus dicit, in I Ethic. Et ideo pro temporalibus licet orare. Et hoc est quod Augustinus dicit, ad Probam, sufficientiam vitae non indecenter vult quisquis eam vult et non amplius. Quae quidem non appetitur propter seipsam, sed propter salutem corporis et congruentem habitum personae hominis, ut non sit inconveniens eis cum quibus vivendum est. Ista ergo, cum habentur, ut teneantur; cum non habentur, ut habeantur, orandum est.

IIª-IIae q. 83 a. 6 ad 1

Ad primum ergo dicendum quod temporalia non sunt quaerenda principaliter, sed secundario. Unde Augustinus dicit, in libro de Serm. Dom. in monte, cum dixit, illud primo quaerendum est, scilicet regnum Dei, significavit quia hoc, scilicet temporale bonum, posterius quaerendum est, non tempore, sed dignitate, illud tanquam bonum nostrum, hoc tanquam necessarium nostrum.

IIª-IIae q. 83 a. 6 ad 2

Ad secundum dicendum quod non quaelibet sollicitudo rerum temporalium est prohibita, sed superflua et inordinata, ut supra habitum est.

IIª-IIae q. 83 a. 6 ad 3

Ad tertium dicendum quod quando mens nostra intendit temporalibus rebus ut in eis quiescat, remanet in eis depressa. Sed quando intendit eis in ordine ad beatitudinem consequendam, non ab eis deprimitur, sed magis ea elevat sursum.

IIª-IIae q. 83 a. 6 ad 4

Ad quartum dicendum quod ex quo non petimus temporalia tanquam principaliter quaesita, sed in ordine ad aliud, eo tenore a Deo petimus ipsa ut nobis concedantur secundum quod expediunt ad salutem.

Übersetzung ausblenden
Summe der Theologie

Sechster Artikel. Der Mensch kann Gott um zeitliche Güter anflehen.

a) Dies ist nicht erlaubt. Denn: I. Was wir erbitten, suchen wir. Wir sollen aber nicht nach Zeitlichem suchen, nach Matth. 6.: „Suchet zuerst das Reich Gottes und seine Gerechtigkeit; und dies Alles wird euch zugegeben werden.“ II. Worum wir beten, darum tragen wir Sorge. Um Zeitliches sollen wir aber keine Sorge tragen, nach Matth. 6.: „Seid nicht besorgt um euere Seele, was ihr essen werdet.“ III. Durch das Gebet soll unser Geist zu Gott sich erheben. Wenn er um Zeitliches bittet, steigt derselbe aber hinab, gegen die Worte Pauli (2. Kor. 4.): „Betrachten wir nicht, was gesehen wird, sondern das Unsichtbare; denn was gesehen wird, vergeht mit der Zeit, was aber nicht gesehen wird, ist ewig.“ IV. Manchmal ist das Zeitliche, worum wir bitten, uns schädlich, Nur aber um Nützliches sollen wir bitten. Auf der anderen Seite heißt es Prov. 30.: „Teile mir nur den notwendigen Lebensunterhalt zu.“

b) Ich antworte, nach Augustin (ep. 130.) könne man darum beten, wonach man verlangen darf. Nach zeitlichen Dingen aber dürfen wir verlangen; freilich nicht als nach unserem Endzwecke, jedoch als Mittel, denselben zu erreichen, insoweit dadurch das leibliche Leben erhalten wird und die zeitlichen Dinge dazu helfen um Tugendwerke zu thun, nach Augustin l. c. (pp. ad Probam.)

c) I. Nicht an die maßgebende Stelle sind die zeitlichen Güter im Gebete zu setzen. Deshalb sagt Augustin (8. de serm. dom. 16): „Das Reich Gottes soll man zuerst suchen. Damit bezeichnete der Herr, wir sollen Zeitliches erst nachher, an zweiter Stelle, suchen; jenes als unser eigenstes Gut, dieses als etwas durch die Notwendigkeit Erheischtes.“ II. Die überflüssige und regellose Sorge um Zeitliches ist zu vermeiden. III. Wenn der Mensch seinen Geist auf Zeitliches richtet in Beziehung zur ewigen Seligkeit, so wird er dadurch nicht bedrückt, sondern gehoben. IV. Weil wir die zeitlichen Güter nur mit Beziehung auf das ewige Heil erbitten, so erbitten wir sie auch nur, soweit sie dazu nützlich sind.