Edition Hide
Summa theologiae

Articulus 2

IIª-IIae q. 86 a. 2 arg. 1

Ad secundum sic proceditur. Videtur quod oblationes non solum sacerdotibus debeantur. Inter oblationes enim praecipue videmus esse quae hostiarum sacrificiis deputantur. Sed ea quae pauperibus dantur in Scripturis hostiae dicuntur, secundum illud Heb. ult., beneficentiae et communionis nolite oblivisci, talibus enim hostiis promeretur Deus. Ergo multo magis oblationes pauperibus debentur.

IIª-IIae q. 86 a. 2 arg. 2

Praeterea, in multis parochiis monachi de oblationibus partem habent. Alia autem est causa clericorum, alia monachorum, ut Hieronymus dicit. Ergo non solum sacerdotibus oblationes debentur.

IIª-IIae q. 86 a. 2 arg. 3

Praeterea, laici de voluntate Ecclesiae emunt oblationes, ut panes et huiusmodi. Sed non nisi ut haec in suos usus convertant. Ergo oblationes possunt etiam ad laicos pertinere.

IIª-IIae q. 86 a. 2 s. c.

Sed contra est quod dicit canon Damasi Papae, et habetur X, qu. I, oblationes quae intra sanctam Ecclesiam offeruntur, tantummodo sacerdotibus, qui quotidie domino servire videntur, licet comedere et bibere. Quia in veteri testamento prohibuit dominus panes sanctos comedere filiis Israel, nisi tantummodo Aaron et filiis eius.

IIª-IIae q. 86 a. 2 co.

Respondeo dicendum quod sacerdos quodammodo constituitur sequester et medius inter populum et Deum, sicut de Moyse legitur Deut. V. Et ideo ad eum pertinet divina dogmata et sacramenta exhibere populo, et iterum ea quae sunt populi, puta preces et sacrificia et oblationes, per eum domino debent exhiberi; secundum illud apostoli, ad Heb. V, omnis pontifex ex hominibus assumptus pro hominibus constituitur in his quae sunt ad Deum, ut offerat dona et sacrificia pro peccatis. Et ideo oblationes quae a populo Deo exhibentur ad sacerdotes pertinent, non solum ut eas in suos usus convertant, verum etiam ut fideliter eas dispensent, partim quidem expendendo eas in his quae pertinent ad cultum divinum; partim vero in his quae pertinent ad proprium victum, quia qui altari deserviunt cum altari participantur, ut dicitur I ad Cor. IX; partim etiam in usus pauperum, qui sunt, quantum fieri potest, de rebus Ecclesiae sustentandi; quia et dominus in usum pauperum loculos habebat, ut Hieronymus dicit, super Matth.

IIª-IIae q. 86 a. 2 ad 1

Ad primum ergo dicendum quod ea quae pauperibus dantur, sicut non proprie sunt sacrificia, dicuntur tamen sacrificia inquantum eis dantur propter Deum, ita etiam secundum eandem rationem oblationes dici possunt, tamen non proprie, quia non immediate Deo offeruntur. Oblationes vero proprie dictae in usum pauperum cedunt non per dispensationem offerentium, sed per dispensationem sacerdotum.

IIª-IIae q. 86 a. 2 ad 2

Ad secundum dicendum quod monachi sive alii religiosi possunt oblationes recipere tripliciter. Uno modo, sicut pauperes, per dispensationem sacerdotis vel ordinationem Ecclesiae. Alio modo, si sint ministri altaris. Et tunc possunt accipere oblationes sponte oblatas. Tertio, si parochiae sint eorum. Et tunc ex debito possunt accipere, tanquam Ecclesiae rectores.

IIª-IIae q. 86 a. 2 ad 3

Ad tertium dicendum quod oblationes, postquam fuerint consecratae, non possunt cedere in usum laicorum, sicut vasa et vestimenta sacra. Et hoc modo intelligitur dictum Damasi Papae. Illa vero quae non sunt consecrata, possunt in usum laicorum cedere ex dispensatione sacerdotum, sive per modum donationis sive per modum venditionis.

Translation Hide
Summe der Theologie

Zweiter Artikel. Den Priestern allein soll man die Opfergaben darreichen.

a) Das scheint nicht. Denn: I. Hebr. ult. heißt es: „Der Wohlthätigkeit und der Mitteilung vergesset nicht, solche Opfergaben (hostiae) verdienen Gott.“ Also muß man den armen vielmehr Opfergaben darreichen. II. In vielen Pfarreien haben die Ordensleute einen Anteil an den Opfergaben; also gebühren dieselben nicht den Priestern allein. III. Im Einverständnisse mit der Kirche kaufen Laien solches Geopferte, wie Brote u. dgl., und verwenden sie zu ihrem Gebrauche. Also auch bis auf die Laien können die Opfergaben sich erstrecken. Auf der anderen Seite sagt der Kanon des Papstes Damasus I.: „Die Opfergaben, welche in der heiligen Kirche dargebracht werden, sollen allein die Priester, welche Tag für Tag in der Kirche Gott dienen, zu ihrem Gebrauche verwenden; denn im Alten Bunde hat der Herr den Kindern iraels verboten, die heiligen Brote zu essen; nur Aaron und seinen Söhnen war dieses gestattet.“ (Lev. 24.)

b) Ich antworte, der Priester sei nach Deut. 5. gewissermaßen in der Mitte zwischen Gott und dem Volke. Er soll die göttliche Wahrheit dem Volke darbieten; und wiederum soll er die Gebete, Opfer, Gaben etc. des Volkes vor Gott bringen, wie Paulus sagt (Hebr. 5.): „Jeder Hohepriester ist aus den Menschen herausgenommen und für die Menschen aufgestellt in dem, was Gott angeht, daß er Gaben darbringe und Opfer für die Sünden.“ Was also das Volk darbringt, gehört den Priestern; nicht aber einzig für ihren persönlichen Gebrauch, sondern auch behufs treuer Verwaltung. Davon müssen sie nämlich die Kosten bezahlen für den göttlichen Kult, müssen ihre Lebensnotdurft bestreiten („wer dem Altar dient, soll vom Altar leben“ 1. Kor. 9.), und endlich den armen mitteilen; wie ja auch der Herr einen „Beutel“ hatte zum Nutzen der armen. (Hieron. in c. 17. Matth. ut non scandalizemus)

c) 1. Die Almosen werden Opfergaben genannt, wenn sie um der Verehrung Gottes willen gegeben werden; also nicht unmittelbar. Die eigentlichen Opfergaben dienen ebenfalls den armen vermittelst der Verwaltung der Priester. II. Die Ordensleute können Opfergaben annehmen: 1. als Arme; — 2. als Diener des Altars, wenn sie dies sind; — 3. als Vorsteher einer Pfarre; im letzten Falle sind sie ihnen geschuldet. III. Nachdem Opfergaben geweiht sind, dürfen sie nicht mehr in den Gebrauch von Laien kommen; ebensowenig wie die heiligen Kleider und Gefäße; — und danach wird der angeführte Kanon des Papstes Damasus verstanden. Was aber nicht geweiht ist, das kann den Laien verkauft oder geschenkt oder sonstwie überlassen werden.