Edition Masquer
Summa theologiae

Articulus 6

IIª-IIae, q. 161 a. 6 arg. 1

Ad sextum sic proceditur. Videtur quod inconvenienter distinguantur duodecim gradus humilitatis qui in regula beati Benedicti ponuntur, quorum primus est, corde et corpore semper humilitatem ostendere, defixis in terram aspectibus; secundus, ut pauca verba, et rationabilia loquatur aliquis, non clamosa voce; tertius, ut non sit facilis aut promptus in risum; quartus, taciturnitas usque ad interrogationem; quintus, tenere quod habet communis monasterii regula; sextus, credere et pronuntiare se omnibus viliorem; septimus, ad omnia indignum et inutilem se confiteri et credere; octavus, confessio peccatorum; nonus, pro obedientia in duris et asperis patientiam amplecti; decimus, ut cum obedientia se subdat maiori; undecimus, ut voluntatem propriam non delectetur implere; duodecimus, ut Deum timeat, et memor sit omnium quae praecepit. Enumerantur enim hic quaedam quae ad alias virtutes pertinent, sicut obedientia et patientia. Enumerantur etiam aliqua quae ad falsam opinionem pertinere videntur, quae nulli virtuti potest competere, scilicet quod aliquis pronuntiet se omnibus viliorem, quod ad omnia indignum et inutilem se confiteatur et credat. Ergo inconvenienter ista ponuntur inter gradus humilitatis.

IIª-IIae, q. 161 a. 6 arg. 2

Praeterea, humilitas ab interioribus ad exteriora procedit, sicut et ceterae virtutes. Inconvenienter igitur praemittuntur in praemissis gradibus illa quae pertinent ad exteriores actus, his quae pertinent ad interiores.

IIª-IIae, q. 161 a. 6 arg. 3

Praeterea, Anselmus, in libro de similitudinibus, ponit septem humilitatis gradus, quorum primus est, contemptibilem se esse cognoscere; secundus, de hoc dolere; tertius, hoc confiteri; quartus, hoc persuadere, ut scilicet velit hoc credi; quintus, ut patienter sustineat hoc dici; sextus, ut patiatur contemptibiliter se tractari; septimus, ut hoc amet. Ergo videntur praemissi gradus esse superflui.

IIª-IIae, q. 161 a. 6 arg. 4

Praeterea, Matth. III dicit Glossa, perfecta humilitas tres habet gradus. Primus est subdere se maiori, et non praeferre se aequali, qui est sufficiens. Secundus est subdere se aequali, nec praeferre se minori, et hic dicitur abundans. Tertius gradus est subesse minori, in quo est omnis iustitia. Ergo praemissi gradus videntur esse superflui.

IIª-IIae, q. 161 a. 6 arg. 5

Praeterea, Augustinus dicit, in libro de Virginit., mensura humilitatis cuique ex mensura ipsius magnitudinis data est, cui est periculosa superbia, quae amplius amplioribus insidiatur. Sed mensura magnitudinis humanae non potest sub certo numero graduum determinari. Ergo videtur quod non possint determinati gradus humilitatis assignari.

IIª-IIae, q. 161 a. 6 co.

Respondeo dicendum quod, sicut ex supra dictis patet, humilitas essentialiter in appetitu consistit, secundum quod aliquis refrenat impetum animi sui, ne inordinate tendat in magna, sed regulam habet in cognitione, ut scilicet aliquis non se existimet esse supra id quod est. Et utriusque principium et radix est reverentia quam quis habet ad Deum. Ex interiori autem dispositione humilitatis procedunt quaedam exteriora signa in verbis et factis et gestibus, quibus id quod interius latet manifestatur, sicut et in ceteris virtutibus accidit, nam ex visu cognoscitur vir, et ab occursu faciei sensatus, ut dicitur Eccli. XIX. Et ideo in praedictis gradibus humilitatis ponitur aliquid quod pertinet ad humilitatis radicem, scilicet duodecimus gradus, qui est, ut homo Deum timeat, et memor sit omnium quae praecepit. Ponitur etiam aliquid pertinens ad appetitum, ne scilicet in propriam excellentiam inordinate tendat. Quod quidem fit tripliciter. Uno modo, ut non sequatur homo propriam voluntatem, quod pertinet ad undecimum gradum. Alio modo, ut regulet eam secundum superioris arbitrium, quod pertinet ad gradum decimum. Tertio modo, ut ab hoc non desistat propter dura et aspera quae occurrunt, et hoc pertinet ad nonum. Ponuntur etiam quaedam pertinentia ad existimationem hominis recognoscentis suum defectum. Et hoc tripliciter. Uno quidem modo, per hoc quod proprios defectus recognoscat et confiteatur, quod pertinet ad octavum gradum. Secundo, ut ex consideratione sui defectus aliquis insufficientem se existimet ad maiora, quod pertinet ad septimum. Tertio, ut quantum ad hoc sibi alios praeferat, quod pertinet ad sextum. Ponuntur etiam quaedam quae pertinent ad exteriora signa. Quorum unum est in factis, ut scilicet homo non recedat in suis operibus a via communi, quod pertinet ad quintum. Alia duo sunt in verbis, ut scilicet homo non praeripiat tempus loquendi, quod pertinet ad quartum; nec excedat modum in loquendo, quod pertinet ad secundum. Alia vero consistunt in exterioribus gestibus, puta in reprimendo extollentiam oculorum, quod pertinet ad primum; et in cohibendo exterius risum et alia ineptae laetitiae signa, quod pertinet ad tertium.

IIª-IIae, q. 161 a. 6 ad 1

Ad primum ergo dicendum quod aliquis absque falsitate potest se credere et pronuntiare omnibus viliorem, secundum defectus occultos quos in se recognoscit, et dona Dei quae in aliis latent. Unde Augustinus dicit, in libro de Virginit., existimate aliquos in occulto superiores, quibus estis in manifesto meliores. Similiter etiam absque falsitate potest aliquis confiteri et credere ad omnia se inutilem et indignum, secundum proprias vires, ut sufficientiam suam totam in Deum referat, secundum illud II ad Cor. III, non quod sufficientes simus cogitare aliquid a nobis, quasi ex nobis, sed sufficientia nostra ex Deo est. Non est autem inconveniens quod ea quae ad alias virtutes pertinent, humilitati adscribantur. Quia sicut unum vitium oritur ex alio, ita naturali ordine actus unius virtutis procedit ex actu alterius.

IIª-IIae, q. 161 a. 6 ad 2

Ad secundum dicendum quod homo ad humilitatem pervenit per duo. Primo quidem et principaliter, per gratiae donum. Et quantum ad hoc, interiora praecedunt exteriora. Aliud autem est humanum studium, per quod homo prius exteriora cohibet, et postmodum pertingit ad extirpandum interiorem radicem. Et secundum hunc ordinem assignantur hic humilitatis gradus.

IIª-IIae, q. 161 a. 6 ad 3

Ad tertium dicendum quod omnes gradus quos Anselmus ponit, reducuntur ad opinionem et manifestationem et voluntatem propriae abiectionis. Nam primus gradus pertinet ad cognitionem proprii defectus. Sed quia vituperabile esset si quis proprium defectum amaret, hoc per secundum gradum excluditur. Sed ad manifestationem sui defectus pertinent tertius et quartus gradus, ut scilicet aliquis non solum simpliciter suum defectum enuntiet, sed etiam persuadeat. Alii autem tres gradus pertinent ad appetitum. Qui excellentiam exteriorem non quaerit, sed exteriorem abiectionem vel aequanimiter patitur, sive in verbis sive in factis, quia, sicut Gregorius dicit, in registro, non grande est his nos esse humiles a quibus honoramur, quia et hoc saeculares quilibet faciunt, sed illis maxime humiles esse debemus a quibus aliqua patimur. Et hoc pertinet ad quintum et sextum gradum. Vel etiam desideranter exteriorem abiectionem amplectitur, quod pertinet ad septimum gradum. Et sic omnes isti gradus continentur sub sexto et septimo superius enumeratis.

IIª-IIae, q. 161 a. 6 ad 4

Ad quartum dicendum quod illi gradus accipiuntur non ex parte ipsius rei, idest secundum naturam humilitatis, sed per comparationem ad gradus hominum, qui sunt vel maiores vel minores vel aequales.

IIª-IIae, q. 161 a. 6 ad 5

Ad quintum dicendum quod etiam illa ratio procedit ex gradibus humilitatis non secundum ipsam naturam rei, secundum quam assignantur praemissi gradus, sed secundum diversas hominum conditiones.

Traduction Masquer
Summe der Theologie

Sechster Artikel. Zwölf Stufen der Demut unterscheidet mit Recht der heilige Benedikt.

a) Diese Stufen sind (regula b. Bened. cap. 7.): 1. Mit dem Herzen und dem Körper immer Demut darthun, indem man den Blick zu Boden senkt; — 2. Weniges und Vernünftiges sprechen, nicht mit schreiender Stimme; — 3. nicht bereitwillig sein zum Lachen; — 4. schweigen bis man gefragt wird; — 5. festhalten an dem, was die Regel des Klosters für alle vorschreibt; — 6. glauben, man sei niedriger als alle und dies auch aussprechen; — 7. sich für Alles als unnütz und wertlos erachten; — 8. seine Sünden frei bekennen; — 9. kraft des Gehorsams Schweres und Hartes mit Geduld umfassen; — 10. gehorsam und unterwürfig sein dem Oberen; — 11. nicht gern seinem eigenen Willen nachleben; — 12. Gott fürchten und dessen eingedenk sein, was Er geboten. Diese Aufzählung ist unzulässig. Denn: I. Vieles von dem hier Genannten gehört zu anderen Tugenden, wie zum Gehorsam und zur Geduld; sodann ist falsch, man solle sich als niedriger wie alle anderen betrachten und meinen, man sei zu Allem unnütz; — es ist dies, weil es Falsches enthält, gar keine Tugend. II. Die Demut geht wie alle Tugenden von innen aus; hier aber beginnt man umgekehrt mit den äußeren Thätigkeiten und schließt mit den innerlichen. III. Anselm sagt (de similitudin. 99.), es gebe sieben Stufen der Demut: 1. zu erkennen, man sei verächtlich; — 2. darüber Schmerz zu empfinden; — 3. dies zu bekennen; — 4. dies anderen beizubringen; — 5. geduldig zu ertragen, daß man dies ausspricht; — 6. zu leiden, daß man verächtlich behandelt werde; — 7. dies zu lieben. Die sub

a) genannten also sind überflüssig. IV. Die Glosse sagt zu Matth. 3. (implere omnem justitiam): „Der erste Grad der Demut ist, sich den Oberen unterordnen; der zweite, sich den gleichstehenden unterordnen; der dritte, dem geringeren sich unterzuordnen; was die volle Gerechtigkeit in sich einschließt.“ V. Augustinus schreibt (de virginit. 31.): „Das Maß der Demut für einen jeden muß dem Grade von dessen Hochmute entsprechen; denn der Hochmut bleibt ihm gefährlich, wenn nicht seine höhere Stufe durch eine größere Demut unterdrückt wird.“ Für den menschlichen Stolz aber giebt es keine bestimmte Zahl, die seine Stufen ausdrückte.

b) Ich antworte, die Demut sei ihrem Wesen nach im Begehren, insoweit jemand den Ansturm seines Geistes zügelt, daß dieser nicht nach zu Hohem strebe; die Regel derselben aber sei in der Vernunft, daß jemand nämlich nicht sich für mehr halte als er wirklich ist. Von Beidem ist die Wurzel die Ehrfurcht vor Gott. Von der inneren Verfassung aber gehen einige äußere Zeichen in Worten, Thaten etc. aus, durch welche offenbar wird, was im Innern verborgen war. Denn „aus dem Gesichte wird der Mensch erkannt und den tugendhaften kann man unterscheiden, wenn sein Antlitz entgegentritt.“ (Ekkli. 19.) Danach nun wird die zwölfte Stufe angesetzt, welche auf die Wurzel der Demut sich bezieht: nämlich „Gott fürchten und seiner Gebote eingedenk sein.“ Auf das Begehren beziehen sich drei Stufen, daß jemand nämlich ungeregelterweise den eigenen Vorrang nicht suche: die elfte, dem eigenen Willen nicht zu folgen; die zehnte, dem Oberen zu gehorchen; und die neunte, daß man sich davon nicht durch Schwierigkeiten und Härten abschrecken lasse. Auf die Erkenntnis der eigenen Schwächen beziehen sich wieder drei Stufen: Die achte, daß man seine Sünden erkenne und bekenne; die siebente, daß man sich nicht als hinreichend betrachte für Größeres; die sechste, daß man sich nicht anderen vorziehe. Die äußeren Zeichen werden berücksichtigt durch die fünfte, daß der Mensch in seinen Werken vom gewöhnlichen Wege sich nicht entferne; durch die vierte, daß er nicht vorzeitig; durch die dritte, daß er nicht maßlos spreche; durch die zweite, daß er die äußeren Zeichen ungehöriger Freude, Lachen etc.; und durch die erste, daß er seine Blicke zügele.

c) I. Ohne Gefahr zu lügen kann jemand sich für niedriger halten wie alle anderen und dies auch aussprechen, 1. weil er seine verborgenen Fehler erkennt und 2. gemäß den Gaben Gottes, die in anderen verborgen sind. Demnach sagt Augustin (de virginit. 52.): „Haltet andere für besser in ihrem Innern, deren Vorgesetzte ihr äußerlich seid.“ Und so kann auch jemand sich für unnütz halten und es bekennen, nämlich gemäß seinen eigenen Kräften; denn Paulus sagt (2. Kor. 3.): „Wir sind nicht genügend stark von uns aus, um etwas zu denken, als ob dies von uns käme; all unser Genügen kommt von Gott.“ Dies ist aber nicht unzulässig, daß das, was auf andere Tugenden sich bezieht, von der Demut gelte; denn wie die eine Art Sünde in der anderen ihren Ursprung hat, so widerstreitet es nicht der natürlichen Ordnung, daß ein Tugendakt den Ursprung des anderen bilde. II. Zuerst kommt der Mensch zur Demut durch das Geschenk der Gnade; und mit Bezug darauf geht das Innere voran dem Äußeren. Dann kommt der Mensch zur Demut durch eigenes Bemühen; und danach muß der Mensch anfangen, die äußeren Thätigkeiten zu zügeln und kommt am Ende zur Ausreißung der Wurzel. III. Die Stufen, welche Anselm erwähnt, lassen sich zurückführen auf die innere Meinung, die Offenbarmachung derselben und den Willen, sich selbst zu erniedrigen. Denn die erste Stufe enthält dle Kenntnis des eigenen Mangels; die zweite, daß man solchen Mangel nicht lieben soll, was tadelnswert wäre. Die dritte und vierte Stufe gehören zur Offenbarmachung des eigenen Mangels, daß nämlich jemand das Mangelhafte in ihm selber nicht nur ausspreche, sondern auch andere davon zu überzeugen suche. Die drei letzten Stufen gehen das Begehren oder den Willen an, daß jemand den eigenen Vorrang nicht erstrebe, sondern die Erniedrigung nach außen hin gleichmütig in Worten, in Werken und der Sehnsucht gemäß trage. Denn Gregor (Regist, lib. 2. ep. 24.) sagt: „Es ist nichts Großes, vor denen demütig zu sein, die uns ehren; das können auch die Weltleute. Aber wahrhaft demütig ist, wer vor denen seine Demut bewahrt, von welchen er etwas leidet.“ Alle diese Stufen also gehören zur sechsten und siebenten der oben aufgezählten. IV. Diese drei Stufen werden nicht nach dem inneren Wesen der Demut aufgezählt, sondern gemäß dem Verhältnisse zu den Klassen der Menschen, die entweder höher oder gleich oder tiefer stehen. V. Auch dieser Einwurf geht nicht vom inneren Wesen der Demut aus, sondern von der verschiedenen Lage der Menschen.