Edition ausblenden
Summa theologiae

Articulus 1

IIIª q. 52 a. 1 arg. 1

Ad primum sic proceditur. Videtur quod non fuerit conveniens Christum ad Infernum descendere. Dicit enim Augustinus, in epistola ad Evodium, nec ipsos quidem Inferos uspiam Scripturarum in bono appellatos potui reperire. Sed anima Christi non descendit ad aliquod malum, quia nec animae iustorum ad aliquod malum descendunt. Ergo videtur quod non fuerit conveniens Christum ad Inferos descendere.

IIIª q. 52 a. 1 arg. 2

Praeterea, descendere ad Inferos non potest Christo convenire secundum divinam naturam, quae est omnino immobilis, sed solum convenire potest ei secundum naturam assumptam. Ea vero quae Christus fecit vel passus est in natura assumpta, ordinantur ad humanam salutem. Ad quam non videtur necessarium fuisse quod Christus descenderit ad Inferos, quia per passionem suam, quam in hoc mundo sustinuit, nos liberavit a culpa et poena, ut supra dictum est. Non igitur fuit conveniens quod Christus ad Infernum descenderet.

IIIª q. 52 a. 1 arg. 3

Praeterea, per mortem Christi separata est anima a corpore eius, quod quidem positum fuerat in sepulcro, ut supra habitum est. Non videtur autem quod secundum animam solam ad Infernum descenderit, quia anima, cum sit incorporea, non videtur quod localiter possit moveri; hoc enim est corporum, ut probatur in VI Physic.; descensus autem motum corporalem importat. Non ergo fuit conveniens quod Christus ad Infernum descenderet.

IIIª q. 52 a. 1 s. c.

Sed contra est quod dicitur in symbolo, descendit ad Inferos. Et apostolus dicit, Ephes. IV, quod autem ascendit, quid est nisi quia descendit primum ad inferiores partes terrae? Glossa, idest ad Inferos.

IIIª q. 52 a. 1 co.

Respondeo dicendum quod conveniens fuit Christum ad Infernum descendere. Primo quidem, quia ipse venerat poenam nostram portare, ut nos a poena eriperet, secundum illud Isaiae LIII, vere languores nostros ipse tulit, et dolores nostros ipse portavit. Ex peccato autem homo incurrerat non solum mortem corporis, sed etiam descensum ad Inferos. Et ideo, sicut fuit conveniens eum mori ut nos liberaret a morte, ita conveniens fuit eum descendere ad Inferos ut nos a descensu ad Inferos liberaret. Unde dicitur Osee XIII, ero mors tua, o mors. Ero morsus tuus, Inferne. Secundo, quia conveniens erat ut, victo Diabolo per passionem, vinctos eius eriperet, qui detinebantur in Inferno, secundum illud Zach. IX, tu quoque in sanguine testamenti tui vinctos tuos emisisti de lacu. Et Coloss. II dicitur, exspolians principatus et potestates, traduxit confidenter. Tertio ut, sicut potestatem suam ostendit in terra vivendo et moriendo, ita etiam potestatem suam ostenderet in Inferno, ipsum visitando et illuminando; unde dicitur in Psalmo, attollite portas, principes, vestras, Glossa, idest, principes Inferni, auferte potestatem vestram, qua usque nunc homines in Inferno detinebatis; et sic in nomine Iesu omne genu flectatur, non solum caelestium, sed etiam Infernorum, ut dicitur Philipp. II.

IIIª q. 52 a. 1 ad 1

Ad primum ergo dicendum quod nomen Infernorum sonat in malum poenae, non autem in malum culpae. Unde decuit Christum in Infernum descendere, non tanquam ipse esset debitor poena, sed ut eos qui erant poenae obnoxii, liberaret.

IIIª q. 52 a. 1 ad 2

Ad secundum dicendum quod passio Christi fuit quaedam causa universalis humanae salutis, tam vivorum quam mortuorum. Causa autem universalis applicatur ad singulares effectus per aliquid speciale. Unde, sicut virtus passionis Christi applicatur viventibus per sacramenta configurantia nos passioni Christi, ita etiam applicata est mortuis per descensum Christi ad Inferos. Propter quod signanter dicitur Zach. IX, quod eduxit vinctos de lacu in sanguine testamenti sui, idest per virtutem passionis suae.

IIIª q. 52 a. 1 ad 3

Ad tertium dicendum quod anima Christi non descenderit ad Inferos eo genere motus quo corpora moventur, sed eo genere motus quo Angeli moventur, sicut in prima parte habitum est.

Übersetzung ausblenden
Summe der Theologie

Erster Artikel. Es war zukömmlich, daß Christus zur Hölle hinabstieg.

a) Dies war nicht zukömmlich. Denn: I. Augustin sagt (ep. 164. ad Evodium): „Die Hölle selbst konnte
ich nie in der heiligen Schrift als im guten Sinne gebraucht finden.“ Die
Seele Christi aber stieg zu keinem Übel oder Verderben hinab, wie ja auch die
Seelen der gerechten zu keinem Übel da hinabgestiegen sind. Also durfte
Christus nicht in die Hölle hinabsteigen. II. Dieses Hinabsteigen kann Christo nicht zukommen nach der göttlichen Natur, die durchaus unbeweglich ist; — aber auch nicht nach der
menschlichen Natur, da nicht erscheint, wie dasselbe hätte das menschliche
Heil fördern können, da Er bereits durch sein Leiden uns von Sünde und
Strafe befreit hatte; — also war dies gar nicht zukömmlich. III. Die Seele allein kann nicht in die Hölle hinabgestiegen sein;
denn das schließt eine Bewegung ein, die der Seele nur auf Grund der
Verbindung mit einem Körper oder dem Körper allein zukommen kann. Auf der anderen Seite steht das Apostolische Symbolum und Ephes. 4.: „Daß Er aber hinaufsteigt, was will dies sagen, außer daß Er vorher hinabgestiegen ist in die tieferen Teile der Erde,“ wozu die Glosse bemerkt: „in die Hölle.“

b) Ich antworte; es sei zukömmlich gewesen, daß Jesus zur Hölle
hinabstieg: 1. Weil Er gekommen war, unsere Strafe zu tragen, damit Er
uns von der Strafe befreie, nach Isai. 53.: „Wahrhaft unsere Schwächen
hat Er getragen und unsere Schmerzen hat Er auf Sich genommen.“ Die
Sünde aber war schuld, nicht nur daß der Mensch starb sondern daß er
auch in die Hölle stieg. Wie Er also gestorben war, damit Er uns vom
Tode befreie; so stieg Er in die Hölle, damit Er uns vor der Hölle bewahre. Deshalb heißt es Oseas 13.: „Ich werde dein Tod sein, o Tod;
zu Tode werde ich dich beißen, o Hölle.“ 2. Es war dies zukömmlich,
damit Er dem durch das Leiden überwundenen Teufel seine gefangenen entreiße, die in der Hölle festgehalten wurden. Deshalb sagt Zacharias (9, 2.):„Du auch hast wegen des Blutes des Bundes herausgelassen aus dem Sumpfe deine gefangenen;“ und Koloss. 2. heißt es: „Er hat beraubt die Fürstentümer und Gewalten.“ 3. Wie Er seine Macht auf Erden gezeigt hatte zu seinen Lebzeiten und im Tode'; so sollte Er sie auch in der Hölle zeigen, indem Er dieselbe besuchte und erleuchtete. Deshalb erklärt Augustin zu Ps. 23. (attollite): „Fürsten der Hölle; gebrochen ist eure Gewalt, mit der ihr die Menschen in der Hölle festhieltet;“ damit so „im Namen Jesu sich aller Kniee beugen, derer die auf Erden, derer die im Himmel und derer die in der Hölle sind.“

c) I. Der Name „Hölle“ bringt mit sich das Übel der Strafe, aber nicht das Übel der Schuld. Also schickte es sich, daß der Herr in die Hölle stieg, damit er diese Strafe löse. II. Das Leiden Christi war die allgemeine Ursache des Heiles für
die lebendigen und die toten. Diese allgemein umfassende Ursache aber
mußte zu den besonderen einzelnen Wirkungen angewendet werden. Wie
sie also auf die lebenden angewendet wird durch die Sakramente, so ward
sie auf die toten angewandt durch das Hinabsteigen in die Hölle. III. Die Seele Christi stieg in die Hölle hinab in jener Weise der
Bewegung, wie die Engel sich bewegen; vgl. I. Kap. 53.