Edition Masquer
Summa theologiae

Articulus 6

IIIª q. 52 a. 6 arg. 1

Ad sextum sic proceditur. Videtur quod Christus aliquos damnatos ab Inferno liberavit. Dicitur enim Isaiae XXIV, congregabuntur congregatione unius fascis in lacum, et claudentur in carcerem, et post multos dies visitabuntur. Loquitur autem ibi de damnatis, qui militiam caeli adoraverant. Ergo videtur quod etiam damnati, Christo descendente ad Inferos, sunt visitati. Quod ad eorum liberationem videtur pertinere.

IIIª q. 52 a. 6 arg. 2

Praeterea, super illud Zach. IX, tu autem in sanguine testamenti tui eduxisti vinctos de lacu in quo non erat aqua, dicit Glossa, tu eos liberasti qui tenebantur vincti carceribus, ubi nulla misericordia eos refrigerabat, quam dives ille petebat. Sed soli damnati includuntur carceribus absque misericordia. Ergo Christus liberavit aliquos de Inferno damnatorum.

IIIª q. 52 a. 6 arg. 3

Praeterea, potentia Christi non fuit minor in Inferno quam in hoc mundo, utrobique enim operatus est per potentiam suae divinitatis. Sed in hoc mundo de quolibet statu aliquos liberavit. Ergo etiam in Inferno liberavit aliquos etiam de statu damnatorum.

IIIª q. 52 a. 6 s. c.

Sed contra est quod dicitur Osee XIII, ero mors tua, o mors. Morsus tuus, Inferne. Glossa, electos educendo, reprobos vero ibidem relinquendo. Sed soli reprobi sunt in Inferno damnatorum. Ergo per descensum Christi ad Inferos non sunt aliqui de Inferno damnatorum liberati.

IIIª q. 52 a. 6 co.

Respondeo dicendum quod, sicut supra dictum est, Christus, descendens ad Inferos, operatus est in virtute suae passionis. Et ideo eius descensus ad Inferos illis solis liberationis contulit fructum qui fuerunt passioni Christi coniuncti per fidem caritate formatam, per quam peccata tolluntur. Illi autem qui erant in Inferno damnatorum, aut penitus fidem passionis Christi non habuerant, sicut infideles, aut, si fidem habuerant, nullam conformitatem habebant ad caritatem Christi patientis. Unde nec a peccatis suis erant mundati. Et propter hoc descensus Christi ad Inferos non contulit eis liberationem a reatu poenae infernalis.

IIIª q. 52 a. 6 ad 1

Ad primum ergo dicendum quod, Christo descendente ad Inferos, omnes qui erant in quacumque parte Inferni, sunt aliqualiter visitati, sed quidam ad suam consolationem et liberationem; quidam autem ad suam confutationem et confusionem, scilicet damnati. Unde ibidem subditur, et erubescet luna, et confundetur sol, et cetera. Potest etiam hoc referri ad visitationem qua visitabuntur in die iudicii, non ut liberentur, sed ut condemnentur amplius, secundum illud Sophon. I, visitabo super viros defixos in faecibus suis.

IIIª q. 52 a. 6 ad 2

Ad secundum dicendum quod, cum dicitur in Glossa, ubi nulla misericordia eos refrigerabat, intelligendum est quantum ad refrigerium perfectae liberationis. Quia sancti patres ab illis Inferni carceribus ante Christi adventum non poterant liberari.

IIIª q. 52 a. 6 ad 3

Ad tertium dicendum quod non fuit propter Christi impotentiam quod non sunt aliqui liberati de quolibet statu infernalium, sicut de quolibet statu mundanorum, sed propter diversam utrorumque conditionem. Nam homines quandiu hic vivunt, possunt ad fidem et caritatem converti, quia in hac vita non sunt homines confirmati in bono vel in malo, sicut post exitum ab hac vita.

Traduction Masquer
Summe der Theologie

Sechster Artikel. Christus hat keine verdammten aus der Hölle befreit.

a) Dies scheint aber. Denn: I. Isai. 24. heißt es: „Wie ein Ährenbündel werden sie zusammengebunden und in den Sumpf geworfen werden und da werden sie eingeschlossen bleiben im Kerker; nach vielen Tagen aber werden sie heimgesucht werden.“ Es ist aber nach Hieronymus hier die Rede von den verdammten, welche die Sterne anbeteten. Sie sind also von Christo heimgesucht d. h. befreit worden. II. Zu Zach. 9, 2. sagt Hieronymus: „Du hast sie befreit, die da gefesselt lagen in den Kerkern, wo keine Barmherzigkeit sie erfrischte, wie dies jener reiche erflehte.“ Dies sind aber die verdammten. III. Die Macht Christi war in der Hölle ebenso groß wie in der Welt. Hier in der Welt aber hat Er von jedem Stande einzelne befreit. Also hat Er auch einzelne verdammte befreit. Auf der anderen Seite sagt zu Osee 13.: „Ich werde dein Tod sein, o Tod; zu Tode beißen werde ich dich, Hölle,“ Hieronymus: „Die auserwählten hat Er herausgeführt, die verworfenen da gelassen.“

b) Ich antworte, Christus habe in der Hölle gewirkt gemäß der Kraft seines Leidens. Jenen allein also verlieh Er die Frucht seines Leidens, die mit Ihm verbunden waren im Glauben und in der heiligen Liebe, durch welche die Sünden weggenommen werden. In der Hölle der verworfenen aber hatten die darin befindlichen entweder nicht den Glauben wie die ungläubigen; oder sie waren nicht gleichförmig der Liebe Christi und somit in ihren Sünden. Also befreite Er sie nicht von ihren Strafen.

c) I. Alle in der Hölle wurden heimgesucht: die einen zu ihrer Befreiung; die anderen zu ihrer Beschämung und Verwirrung, wie die verworfenen. Deshalb heißt es weiter beim Propheten: „Und der Mond wird erröten und schämen wird sich die Sonne.“ Es kann diese „Heimsuchung“ aber auch verstanden werden von der Heimsuchung am jüngsten Gerichte,wo sie noch schwerer werden verdammt werden, nach Sap. 1: „Heimsuchen werde ich die Männer, die festgeschlossen sind an ihren Schmutz.“ II. Dies „keine Barmherzigkeit erfrischte sie“ in der Glosse ist zu
verstehen von der vollkommenen Befreiung der Väter. III. Die Menschen, so lange sie leben, können sich zum Glauben und
zur Liebe bekehren; die verworfenen sind unheilbar befestigt im Bösen. Nicht
also an der Macht Christi lag es, daß Er keine verworfenen befreite, sondern an der von der Lage der lebendigen verschiedenen Lage.