9.

Deinde venimus in locum ubi dominus de quinque panibus quinque milia populos satiavit. Extensa campania, oliveta et palmeta. Ex hoc venimus in locum, ubi baptizatus estdominus noster. In ipso loco transierunt filii Israel; ibi et filii prophetarum perdiderunt securim et ex ipso loco assumptus est Elias. In ipso loco est mons Hermon modicus, qui legitur in psalmo. A pede montis ipsius de fluvio ascendit nubes hora prima et exeunte sole venit super Hierosolimam super basilicam,quae est in Sion et super basilicam ad monumentum domini et super basilicam sanctae Mariae et ad sanctam Sophiam, quae fuit praetorium, ubi auditus est dominus. Super his locis descendit ros sicut pluvia et collegunt eum medici et in ipso coquuntur omnes confectiones pro xenodochiis, nam multilanguores sanantur in ipsis locis, ubi cadit ipse ros. Ipse enim est ros, qui cantatur in psalmo: sicut ros ab Hermon qui descendit in montem Sion. In illa parte lordanis est fons, ubi S. 8 baptizabat sanctus lohannes, ad lordanem milia duo. In ipsa valle Elias inventus est, quando ei portabat corvus panem et carnes. In circuitu vallis illius multitudo eremitarum.