35.

Proficiscentes de civitate Ela, ingressi eremum. Ad

XX milia est castrum, in quo est xenodochium sancti Georgi, in quo habent quasi refugium transeuntes vel eremitae stipendia. Exinde intrantes interiorem eremum venimus ad locum de quo dicitur: terra in salsugine a malitia inhabitantium in ea. Ubi vidimus raros homines cum camelis, fugientes nos ……..

Nam et in Hierosolima vidimus homines aperte Aethiopes, nares fissas, calliculis calceatos et per digitos in pedes anulos missos. Requisiti, quare sic, dixerunt: Traianus imperator Romanus signum nobis hoc dimisit.