Edition
ausblenden
Ad Demetrianum [CSEL]
§ 1
Oblatrantem te et aduersus Deum qui unus et uerus est ore sacrilego et uerbis impiis obstrepentem frequenter, Demetriane, contempseram uerecundius et melius existimans errantis inperitiam silentio spernere quam loquendo dementis insaniam prouocare. nec hoc sine magisterii diuini auctoritate faciebam, cum scriptum sit: in aures inprudentis noli quicquam dicere, ne quando audierit inrideat sensatos sermones tuos, etiterum1: noli respondere inprudenti ad inprudentiam eius ne similis fias illi, etsanctumquoque2 iubeamur intra conscientiam nostram tenere nec inculcandum porcis et canibus exponere loquente Domino et dicente: ne dederitis sanctum canibus neque miseritis margaritas uestras ante porcos, ne inculcent eas pedibus suis. nam cum ad me saepe studio magis contradicendi quam uoto discendi uenires et clamosis uocibus personans malles tua inpudenter ingerere quam nostra patienter audire, ineptum uidebatur congredi tecum, quando facilius esset et leuius turbulenti maris 34[P. 352] concitos fluctus clamoribus retundere quam tuam rabiem tractatibus coercere. certe et labor inritus et nullus effectus offerre lumen caeco, sermonem surdo, sapientiam bruto, cum nec sentire brutus possit nec caecus luipen5 admittere nec surdus audire.
-
Sic! ↩
-
Sic! ↩
-
Apparatus: 7 Prou. 23, 9. 9 Prou. 26, 4. 12 Matth. 7, 6. ↩
-
Apparatus: INCIPIT AD DKMETRIANVM (AMKN [^odd. R) WRMB;] AD DEJfETEIANVM [^Lactantius imtit. V c. 4,] ADVERSVS DEMETBIANVM [^Hieronymus ad Ma-] gnum [^epist]. 83 2 et [^W 8. I. m. 2, om. M] 3 obstrepentem te [^M] 4 contempsi [^ex] contempsere [^B m. 2] et] ac e 5 silentius [^Ml] 6 hoc [^JH 8. I. m. 2] magisterio [^BM] diuinae auctoritatis [^M,] diuini et nominis auctoritate [^v] 7 scriptum sit [^ex] scripsit [^W] m. [^2] 8 insensatos [^B] 9 iterum dicit [^M] 10 inprouidentiam [^B] illi fias [^W] 14 inculcent [^JRMBV,] conculcent [^W] pedibus suis [^WRMBV,] pedibus et conuersi elidant uos v 16 personans] perstrepens [^V] inprndenter [^B] 17 gerere [^W] 18 esse [^B] turbnlentis [^B] ↩
-
Sic! ↩
Edition
ausblenden
Ad Demetrianum [PL]
I.
OBLATRANTEM te et adversus Deum, qui unus et verus est, ore sacrilego et verbis impiis obstrepentem frequenter, Demetriane, contempseram, verecundius ac melius existimans errantis imperitiam silentio spernere, quam loquendo dementis insaniam provocare. Nec hoc sine magisterii divini auctoritate faciebam, cum scriptum sit: In aures imprudentis noli quicquam dicere, ne, quando audierit, irrideat sensatos sermones tuos 1. Et iterum: Noli respondere imprudenti ad imprudentiam ejus, ne similis fias illi 2. Et sanctum quoque jubeamur intra conscientiam nostram tenere, nec inculcandum porcis et canibus exponere, loquente Domino et dicente: [Col. 0544C] Ne dederitis sanctum canibus, neque miseritis [Col. 0545A] margaritas vestras ante porcos, ne inculcent eas pedibus]:, et conversi elidant vos 3. Nam, cum ad me saepe, studio magis contradicendi quam voto discendi, venires, et, clamosis vocibus personans, malles tua impudenter ingerere quam nostra patienter audire, ineptum videbatur congredi tecum, quando facilius esset et levius turbulenti maris concitos fluctus clamoribus retundere quam tuam rabiem tractatibus coercere. Certe et labor irritus et nullus effectus, offerre lumen caeco, sermonem surdo, sapientiam bruto; cum nec sentire brutus possit, nec caecus lumen admittere, nec surdus audire.