Edition ausblenden
Summa theologiae

Articulus 1

IIª-IIae, q. 174 a. 1 arg. 1

Ad primum sic proceditur. Videtur quod inconvenienter dividatur prophetia in Glossa super Matth. I, ecce virgo in utero habebit, ubi dicitur quod prophetia alia est ex praedestinatione Dei, quam necesse est omnibus modis evenire, ut sine nostro impleatur arbitrio, ut haec de qua hic agitur; alia est ex praescientia Dei, cui nostrum admiscetur arbitrium; alia est quae comminatio dicitur quae fit ob signum divinae animadversionis. Illud enim quod consequitur omnem prophetiam, non debet poni ut membrum dividens prophetiam. Sed omnis prophetia est secundum praescientiam divinam, quia prophetae legunt in libro praescientiae, ut dicit Glossa, Isaiae XXXVIII. Ergo videtur quod non debeat poni una species prophetiae quae est secundum praescientiam.

IIª-IIae, q. 174 a. 1 arg. 2

Praeterea, sicuti aliquid prophetatur secundum comminationem, ita etiam secundum promissionem, et utraque variatur. Dicitur enim Ierem. XVIII, repente loquar adversum gentem et adversum regnum, ut eradicem et destruam et disperdam illud, si poenitentiam egerit gens illa a malo suo, agam et ego poenitentiam, et hoc pertinet ad prophetiam comminationis. Et postea subdit de prophetia promissionis, subito loquar de gente et de regno, ut aedificem et plantem illud, si fecerit malum in oculis meis, poenitentiam agam super bono quod locutus sum ut facerem ei. Ergo, sicut ponitur prophetia comminationis, ita debet poni prophetia promissionis.

IIª-IIae, q. 174 a. 1 arg. 3

Praeterea, Isidorus dicit, in libro Etymol., prophetiae genera sunt septem. Primum genus, extasis, quod est mentis excessus, sicut vidit Petrus vas submissum de caelo cum variis animalibus. Secundum genus, visio, sicut apud Isaiam dicentem, vidi dominum sedentem, et cetera. Tertium genus est somnium, sicut Iacob scalam dormiens vidit. Quartum genus est per nubem, sicut ad Moysen loquitur Deus. Quintum genus, vox de caelo, sicut ad Abraham sonuit dicens, ne mittas manum in puerum. Sextum genus, accepta parabola, sicut apud Balaam. Septimum genus, repletio spiritus sancti, sicut pene apud omnes prophetas. Ponit etiam tria genera visionum, unum, secundum oculos corporis; alterum, secundum spiritum imaginarium; tertium, per intuitum mentis. Sed haec non exprimuntur in prius dicta divisione. Ergo est insufficiens.

IIª-IIae, q. 174 a. 1 s. c.

Sed contra est auctoritas Hieronymi, cuius dicitur esse Glossa.

IIª-IIae, q. 174 a. 1 co.

Respondeo dicendum quod species habituum et actuum in moralibus distinguuntur secundum obiecta. Obiectum autem prophetiae est id quod est in cognitione divina supra humanam facultatem existens. Et ideo secundum horum differentiam distinguitur prophetia in diversas species, secundum prius dictam divisionem. Dictum est autem supra quod futurum est in divina cognitione dupliciter. Uno modo, prout est in sua causa. Et sic accipitur prophetia comminationis, quae non semper impletur, sed per eam praenuntiatur ordo causae ad effectus, qui quandoque, aliis supervenientibus, impeditur. Alio modo, praecognoscit Deus aliqua in seipsis. Vel ut fienda ab ipso. Et horum est prophetia praedestinationis, quia, secundum Damascenum, Deus praedestinat ea quae non sunt in nobis. Vel ut fienda per liberum arbitrium hominis. Et sic est prophetia praescientiae. Quae potest esse bonorum et malorum, quod non contingit de prophetia praedestinationis, quae est bonorum tantum. Et quia praedestinatio sub praescientia comprehenditur, ideo in Glossa, in principio Psalterii, ponitur tantum duplex prophetiae species, scilicet secundum praescientiam, et secundum comminationem.

IIª-IIae, q. 174 a. 1 ad 1

Ad primum ergo dicendum quod praescientia proprie dicitur praecognitio futurorum eventuum prout in seipsis sunt, et secundum hoc ponitur species prophetiae. Prout autem dicitur respectu futurorum eventuum sive secundum quod in seipsis sunt sive secundum quod sunt in causis suis, communiter se habet ad omnem speciem prophetiae.

IIª-IIae, q. 174 a. 1 ad 2

Ad secundum dicendum quod prophetia promissionis comprehenditur sub prophetia comminationis, quia eadem ratio est veritatis in utraque. Denominatur tamen magis a comminatione, quia Deus pronior est ad relaxandum poenam quam ad subtrahendum promissa beneficia.

IIª-IIae, q. 174 a. 1 ad 3

Ad tertium dicendum quod Isidorus distinguit prophetiam secundum modum prophetandi. Qui quidem potest distingui vel secundum potentias cognoscitivas in homine, quae sunt sensus, imaginatio et intellectus. Et sic sumitur triplex visio, quam ponit tam ipse quam Augustinus, XII super Gen. ad Litt. Vel potest sumi secundum differentiam prophetici influxus. Qui quidem, quantum ad illustrationem intellectus, significatur per repletionem spiritus sancti, quam septimo loco ponit. Quantum vero ad impressionem formarum imaginabilium, ponit tria, scilicet somnium, quod ponit tertio loco; et visionem, quae fit in vigilando respectu quorumcumque communium, quam ponit in secundo loco; et extasim, quae fit per elevationem mentis in aliqua altiora, quam ponit primo loco. Quantum vero ad sensibilia signa, ponit tria. Quia sensibile signum aut est aliqua res corporea exterius apparens visui, sicut nubes, quam ponit quarto loco. Aut est vox exterius formata ad auditum hominis delata, quam ponit quinto loco. Aut est vox per hominem formata cum similitudine alicuius rei, quod pertinet ad parabolam, quam ponit sexto loco.

Übersetzung ausblenden
Summe der Theologie

Erster Artikel. Es giebt eine Prophetie der Vorherbestimnmng von seiten Gottes, des Vorherwissens und der Drohung.

a) Zu Matth. 1. (Ut adimpteretur) sagt die Glosse: „Die eine Prophetie ist die, welche aus der Vorherbestimmung Gottes kommt, die jeder Weise erfüllt werden muß, wie diese hier ecce Virgo concipiet; und zwar wird sie erfüllt abgesehen von unserem freien Willen; — die andere ist die aus dem Vorherwissen Gottes folgt, worin in etwa unser freie Wille eintritt; — die dritte wird die der Drohung genannt, welche die göttliche Strafe andeuten soll.“ Diese Einteilung ist unzulässig. Denn: I. Jede Prophetie besteht gemäß dem göttlichen Vorherwissen (s. oben). Hier aber steht eine solche Prophetie nur als Teilglied neben den anderen Teilen. II. Nicht nur wird prophetisch etwas angedroht, sondern auch Manches verheißen. Denn Jerem. 18, 7. heißt es zwar: „Ich will sprechen gegen das Volk und das Reich; es entwurzeln und zerstören…;“ aber darauf folgt: „Ich will sprechen über das Volk und das Reich, daß ich aufbaue und pflanze. Thut es Übels, so will ich bereuen was ich Gutes gesagt habe, daß ich ihm es thun will.“ Also muß auch eine Prophetie der Verheißung angesetzt werden. III. Isidor kennt sieben Arten Prophetie (7 Etymol. S.): 1. die Ekstase, wie bei Petrus als er das Gefäß vom Himmel sich herabsenken sah; — 2. das Gesicht, wie bei Isaias: Ich sah den Herrn sitzend …“; — 3. das Traumbild, wie die Himmelsleiter Jakobs; — 4. das Wolkenbild, wie der Herr zu Moses sprach durch die Wolke; — 5. die Stimme vom Himmel, wie bei Abraham; — 6. die passende Parabel, wie bei Balaam; — 7. das Angefülltsein vom heiligen Geiste, wie fast bei allen Propheten. Zudem kennt er noch andere drei Arten: 1. vermittelst der körperlichen Augen; — 2. vermittelst der Phantasiebilder; — 3. vermittelst der rein geistigen Anschauung. Also ist die obige Einteilung ungenügend.

b) Ich antworte, die Gattungen in den moralischen Thätigkeiten und Zuständen werden unterschieden gemäß den Gegenständen. Der Gegenstand der Prophetie aber ist das in der göttlichen Kenntnis Befindliche und die menschliche Kraft Übersteigende. Nun ist in der göttlichen Kenntnis etwas: 1. insoweit es in seinen Ursachen enthalten ist; und daraus bezieht sich die Prophetie der Drohung, die nicht immer erfüllt wird, sondern nur die Beziehung der Ursache zur Wirkung anzeigt, welche Beziehung auf Grund dessen, was dazwischen kommt, wirkungslos sein kann; — 2. insoweit das Gekannte als in sich bestehend thatsächlich von Ewigkeit dem Blicke Gottes gegenwärtig ist; und zwar kennt dies Gott vorher entweder als von ihm zu Verursachendes; darauf bezieht sich die Prophetie der Vorherbestimmung, „denn Gott bestimmt vorher das was nicht in uns ist“ (Dam. 2. de orth. fide 30.), oder als vom freien Willen Ausgehendes; darauf bezieht sich die Prophetie des Vorherwissens, von welchen beiden die erste nur auf die guten sich bezieht, die zweite auf die guten und bösen. Und weil die Vorherbestimmung im Vorherwissen einbegriffen ist, deshalb nennt Cassiodor (supra prol. Hier.) nur die Prophetie des Vorherwissens und der Drohung.

c) I. Das Vorherwissen in Gott bezieht sich im eigentlichen Sinne auf die Dinge, soweit sie in sich selber thatsächlich sind; danach wird die eine Gattung der Prophetie genannt. Insofern es aber genommen wird als sich beziehend sowohl auf die Dinge in ihrem thatsächlichen Bestände als Gott gegenwärtige wie auch zugleich insoweit sie in ihren Ursachen enthalten sind, wird es für Prophetie im allgemeinen gebraucht. II. Die Prophetie des Verheißens ist inbegriffen in der des Drohens; denn ein und derselbe maßgebende Grund besteht in beiden. Man nennt sie nach dem Drohen, weil Gott mehr geneigt ist, Strafen zu erlassen wie verheißene Wohlthaten zu entziehen. III. Isidor unterscheidet gemäß der Art und Weise des Prophezeiens, also entweder nach den drei Erkenntniskräften im Menschen: dem äußeren Sinn, der Einbildungskraft und der Vernunft, wonach drei Arten Prophetie unterschieden werden; oder nach der Verschiedenheit des prophetischen Einflusses. So steht mit Rücksicht auf die Erleuchtung des vernünftigen Geistes Nr. 7.: das Angefülltsein mit dem heiligen Geiste; — mit Rücksicht aus das Einprägen der Phantasiebilder steht da: das Traumbild Nr. 3, das Gesicht Nr. 2, und die Ekstase Nr. 1, wodurch der Mensch zu Höherem erhoben wird; — mit Rücksicht auf die sinnlich wahrnehmbaren Zeichen steht da: Nr. 4. die Wolke als dem Auge erscheinend, Nr. 5. die Stimme außen, welche das Ohr wahrnimmt und Nr. 6. das Wort eines Menschen, im Gleichnisse gesprochen.