24.

Et exinde venimus ad arcum, ubi antiquitus porta fuit civitatis. In ipso loco sunt aquae putridae, ubi missus est Hieremias. Ab arcu illo descendentibus ad Siloam per gradus multos super Siloam est basilica volubilis, desuptus de quasurgit Siloa, qui [habet] manu facta hominis duo solia ex marmore et inter solium et solium clausuram cancellorum. In uno lavant viri et in alio mulieres pro benedictione; in quibus aquis multae ostenduntur virtutes, imo et leprosi mundantur. Inante atrium est piscina grandis manu hominis munita, in qua assiduepopulus lavant; nam in illis soliis certis horis fons ipse irrigat aquas multas, quae descendunt per vallem Gethsemani, quam et losaphat vocant, usque ad lordanem fluvium et ingrediuntur in lordanem in loco, ubi lordanis deficit in mare salinarum subtus Sodomam et Gomorram.