46.

S. 33 Iterum venientes Hierosolimam, ubi etiam aegrotus remansi per multum tempus. Evidenter oculata fide vidi beatam Euphemiam per visionem et beatum Antonium quomodo venerunt et sanaverunt me. Egressus de Hierosolima descendi 5 Joppen. Ibi iacet sancta Tabitha quae Dorcas. Deinde veni Caesaream Philippi, quae turris Stratonis, quae et Caesarea Palaestinae vocatur. In qua requiescit sanctus Pamphilus, sanctus Procopius, sanctus Cornelius, ex cuius lectu benedictionem tulimus. Item per Galilaeam ascendimus et venimus Damascum.

Ibi est monasterium ad miliarium secundum, ubi sanctus Paulus est conversus, vicus qui vocatur rectus, in quo loco multae fiunt virtutes. Deinde venimus Heliopolim, et exinde venimus Emizam, ubi est caput sancti lohannis baptistae qui est missus in doleum vitreum, quem etiam intra doleum oculisnostris vidimus et adoravimus. Exinde transeuntes per civitates, hoc est Larissam Aristosam et Epiphaniam venimus in civitatem splendidissimam Apamiam, in qua est omnis nobilitas Syrorum.