Edition
Hide
Ad Demetrianum [CSEL]
§ 26
Hanc gratiam Christus inpertit, hoc munus misericordiae suae tribuit subigendo mortem trophaeo crucis, redimendo credentem pretio sui sanguinis, reconciliando hominem Deo patri.** , uiuificando mortalem regeneratione caelesti. hunc si fieri potest sequamur omnes, huius sacramento et signo censeamur. hic nobis uiam uitae aperit, hic ad paradisum reduces facit, hic ad caelorum regna perducit. cum ipso semper uiuemus facti per ipsum filii Dei: cum ipso exultabimus semper ipsius cruore reparati. erimus christiani cum Christo simul gloriosi, de Deo patre beati, de perpetua uoluptate laetantes semper in conspectu Dei et agentes Deo gratias semper. neque enim poterit nisi et laetus esse semper et gratus qui cum morti fuisset obnoxius, factus est inmortalitate securus. 1[P. 371]
-
Apparatus: 2 uidete et uiuite [^ex] uiuete [^M] m. 2 3 recessum [^WRMBV,] excessum [^v] 4 est Otn. [^R] aut [^R] ammittitur [^Wl] 5 salutis [^M'JB] et cultu [^M] 6 nec...retardetur [^om. R] quicquam [^W] aut [^om. B] 10 est [^am. R] exitum uitaeB [^12 ueniam R confitendi W credentibus W] 15 suae [^W s. l. m. 2] 16 tribuet Wl 17 p. sanguinis sui [^v] praecio»» sanguinis [^M] (sus [^eras.) reconciliantem B] patri etM; [^lacunam indicaui; cf. p]. 394, 8 18 regenera tuncii 20 reducens [^B] 21 regno [^R uiuimus MI 22 semper exultabimus v 24 uoluntate JKJB] 25 [^deo om. R] semper gratias deo [^M] et [^om. Rv] 26 de immortalitate [^v] CAECILI CYPRIANI AD DEMETRIANVM EXPLICIT [^RB,] AD DEMETRIANTM EXPLICIT [^WM]* ↩
Edition
Hide
Ad Demetrianum [PL]
XXVI.
Hanc [Col. 0564A] gratiam Christus impertit, hoc munus misericordiae suae tribuit, subigendo mortem trophaeo crucis, redimendo credentem pretio sanguinis sui, reconciliando hominem Deo Patri, vivificando mortalem regeneratione coelesti. Hunc, si fieri potest, sequamur omnes, hujus sacramento et signo censeamur. Hic nobis viam vitae aperit, hic ad paradisum reduces facit, hic ad coelorum regna perducit. Cum ipso semper vivemus, facti per ipsum filii Dei; cum ipso semper exultabimus, ipsius cruore reparati. Erimus Christiani cum Christo simul gloriosi, de Deo Patre beati, de perpetua voluptate laetantes semper in conspectu Dei, et agentes Deo gratias semper. Neque enim poterit nisi laetus esse semper et gratus, qui, cum morti fuisset obnoxius, factus est immortalitate [Col. 0564B] securus.