Edition
Hide
Ad Demetrianum [CSEL]
§ 6
Ipsum denique audi loquentem, ipsum uoce diuina instruentem nos et monentem: Dominum Deum tuum [inquit]12[P. 355] adorabis et illi soli seruies, et iterum: non erunt tibi dii alii absque me, et iterum: nolite ambulare post deos alienos ut seruiatis eis et ne adoraueritis eos: et ne incitetis me in operibus manuum uestrarum ad disperdendos uos. propheta item sancto Spiritu plenus contestatur et denuntiat iram Dei dicens: haec dicit dominus omnipotens: eo quod domus mea deserta est, uos autem sectamini unusquisque in domum suam, propterea abstinebit caelum a rore et terra subtrahet procreationes suas, et inducam gladium super terram et super frumentum et super uinum et super oleum et super homines et super pecora et super omnes labores manuum eorum. item propheta alius repetit et dicit: et pluam super unam ciuitatem et super unam non pluam. pars una compluetur et pars super quam non pluero arefiet. et congregabuntur duae et tres ciuitates in unam ciuitatem potandae aquae causa nec sic satiabuntur: et non conuertimini ad me, dicit Dominus.
-
Apparatus: 26 Dent. 6,13. ↩
-
Apparatus: 1 perueniri [^W] 2 crescant [^Rv] senectute [^Rv] 3 incepit [^Wl] natiuitas ipsa [^W] 4 nunc [^om. W] 5 mirari [^ex] minari [^Sm. 2] 6 coepisse deficere [^WRv] quando totus ipse iam mundus [^WRv] sit et] citet [^R] 7 finem [^SR] 8 contineant [^Wl] 9 *cumulant [^W] (et [^eras.)] 12 uariari] uaria grassari [^fort]. diem [^R] 13 indignandis [^R,] ingignantis W' 15 iactat [^ponit] post querimonia J2 16 colatur] colitur [^fort]. 17 arbitrii [^R] 18 gerantura Sl 20 a [^add. W'] 21 uestris et meritis inrogatur [^R] 22 queritur [^WR,] colitur S; [^cf. p. 359, 23] religio [^ex] relicto [^R] 26 et] et mo nos et [^S,] pariter ac [^v] inquit adorabis S, adorabis inquit [^WRv]* ↩
Edition
Hide
Ad Demetrianum [PL]
VI.
Ipsum denique audi loquentem, ipsum voce divina instruentem nos pariter ac monentem: Dominum Deum tuum adorabis,]: inquit, et illi soli servies 1. Et iterum: Non erunt tibi dii alii absque me 2. Et iterum: 218 Nolite ambulare post deos alienos ut serviatis eis, et ne adoraveritis eos; et ne incitetis me in operibus manuum vestrarum ad disperdendos vos 3. Propheta item Spiritu sancto plenus contestatur et denuntiat iram Dei dicens: Haec dicit Dominus omnipotens: Eo quod domus mea deserta est, vos autem sectamini unusquisque in domum suam, propterea abstinebit coelum a rore, et terra subtrahet procreationes suas, et inducam gladium super terram et super frumentum et super vinum [Col. 0548C] et super oleum, et super homines et super pecora, et super [Col. 0549A] per omnes labores manuum eorum 4. Item Propheta alius repetit et dicit: Et pluam super unam civitatem, et super aliam non pluam. Pars una compluetur, et pars super quam non pluero arefiet. Et congregabuntur duae et tres civitates in unam civitatem potandae aquae causa, nec satiabuntur; et non convertimini ad me, dicit Dominus 5.