§ 17
Inde est enim quod nemo nostrum quando adprehenditur reluctatur nec se aduersus iniustam uiolentiam uestram quamuis 12[P. 363] nimius et copiosus noster populus ulciscitur. patientes facit de secutura ultione securitas. innocentes nocentibus cedunt, insontes poenis et cruciatibus acquiescunt certi et fidentes quod inultum non remaneat quodcumque perpetimur quantoque maior fuerit persecutionis iniuria tanto iustior fiat et grauior pro persecutione uindicta. nec umquam impiorum scelere in nostrum nomen exurgitur, ut non statim diuinitus uindicta comitetur. ut memorias taceamus antiquas et ultiones pro cultoribus Dei saepe repetitas nullo uocis praeconio reuoluamus, documentum recentis rei satis est quod sic celeriter quodque in tanta celeritate sic granditer nuper secuta defensio est ruinis rerum, iacturis opum, dispendio militum, deminutione castrorum. nec hoc casu accidisse aliquis existimet aut fuisse fortuitum putet, cum iam pridem scriptura diuina posuerit et dixerit: mihi uindictam, ego retribuam, dicit Dominus, et iterum Spiritus sanctus praemoneat et dicat: ne dixeris: ulciscar me de inimico meo, sed expecta Dominum ut tibi auxilio sit. unde clarum est adque manifestum quia non per nos sed pro nobis accidunt cuncta ista quae de Dei indignatione descendunt.
-
Apparatus: 10 Ex. 22, 20. 11 Es. 2, 8 sq. ↩
-
Apparatus: 4 interrogationes [^R] 5 licet [^ex] hic et [^B] prestrigias [^W] illas [^om. 8] 6 celerare 8 7 menti [^Rl] 8 non] nolle v 10 dom [^B] 12 incnrnatns v 15 captina v corpore B 18 deum Bs snsum [^scripei,] suum [^SRW1,] tuum W2 19 erige [^WRv] dom [^8] 22 ipsam [^R] 24 ut] et 8 cognoscas [^B] 27 pater filium v 30 enim om. v et nemo [^W] 31 iniustam [^om. V] ↩
