§ 19
Putatis nos aduersa uobiscum aequaliter perpeti, quando eadem aduersa uideatis a nobis et uobis non aequaliter sustineri? aput uos inpatientia clamosa semper et querula est, aput nos fortis et religiosa patientia quieta semper et semper in Deum grata est, nec quicquam istic laetum aut prosperum sibi uindicat, sed mitis et lenis et contra omnes fluctuantis mundi turbines stabilis diuinae pollicitationis tempus expectat. quamdiu enim corpus hoc permanet commune cum ceteris, sit necesse est et corporalis condicio communis nec separari generi humano ab inuicem datur, nisi istinc de saeculo recedatur. intra unam domum boni et mali interim continemur. quicquid intra domum uenerit pari sorte perpetimur, donec aeui temporalis fine completo ad aeternae uel mortis uel inmortalitatis hospitia diuidamur. non ergo idcirco compares uobis et aequales sumus, quia in isto adhuc mundo et carne hac constituti mundi et carnis incommoda uobiscum pariter incurrimus. nam cum in sensu doloris 1[P. 365] sit omne quod punit, manifestum est eum non esse participem poenae tuae quem uideas tecum non dolere.
-
Apparatus: 1 istinc] hinc [^M] excesserint [^M'] sola iam [^RM] 2 his] iis [^uel] hic v incursione [^Mv] 4 consternimur [^MB] aduersis omnino [^B] frangimus [^B] ullam [^R,] nulla [^B] 5 aut [^(ante] rerum) [^om. B] musitamus [^WRMB] spiritus [^W] 6 uiuent [^Wx] firmitatem [^BMl] infirmi- [^tateB] 7 uos][^nos v comprobari B et om. R 8 scimus om. R] fidemas [^WM'] 9 quandolcam [^v] 10 nobis et a uobis [^B,] uobis et nobis [^R] 11 est] et [^B] 12 dum [^W,] do [^M] 13 est [^W s. I. m. 2] et nec [^W] quisquam [^ex] quicquam [^M m. 2] stic [^R] 14 fluctuantes [^RBM1] 15 pollicitationes [^Ml] tempus [^acld. 3P] semper expectans [^M sed] ns [^in ras. 16 hoc] hic v ante commune distinguit v] sit...communis [^om. W] 17 seperari [^W] 18 nisi si [^v] postmodum recedatur [^V] 20 euenerit [^Mv] repetimur [^B] 21 aeterna [^Wl] dinidamur][^add. W] loquitur et hortatur 23 constituti [^ex] a constitutione [^M m. 2] 24 in [^W 3.1. m. 2] sensum [^Ml] ↩
