Edition Hide
Summa theologiae

Articulus 3

Iª-IIae q. 101 a. 3 arg. 1

Ad tertium sic proceditur. Videtur quod non debuerint esse multa caeremonialia praecepta. Ea enim quae sunt ad finem, debent esse fini proportionata. Sed caeremonialia praecepta, sicut dictum est, ordinantur ad cultum Dei et in figuram Christi. Est autem unus Deus, a quo omnia; et unus dominus Iesus Christus, per quem omnia, ut dicitur I ad Cor. VIII. Ergo caeremonialia non debuerunt multiplicari.

Iª-IIae q. 101 a. 3 arg. 2

Praeterea, multitudo caeremonialium praeceptorum transgressionis erat occasio; secundum illud quod dicit Petrus, Act. XV, quid tentatis Deum, imponere iugum super cervicem discipulorum, quod neque nos, neque patres nostri, portare potuimus? Sed transgressio divinorum praeceptorum contrariatur humanae saluti. Cum igitur lex omnis debeat saluti congruere hominum, ut Isidorus dicit, videtur quod non debuerint multa praecepta caeremonialia dari.

Iª-IIae q. 101 a. 3 arg. 3

Praeterea, praecepta caeremonialia pertinebant ad cultum Dei exteriorem et corporalem, ut dictum est. Sed huiusmodi cultum corporalem lex debebat diminuere, quia ordinabat ad Christum, qui docuit homines Deum colere in spiritu et veritate, ut habetur Ioan. IV. Non ergo debuerunt multa praecepta caeremonialia dari.

Iª-IIae q. 101 a. 3 s. c.

Sed contra est quod dicitur Osee VIII, scribam eis multiplices leges intus; et Iob XI, ut ostenderet tibi secreta sapientiae, quod multiplex sit lex eius.

Iª-IIae q. 101 a. 3 co.

Respondeo dicendum quod, sicut supra dictum est, omnis lex alicui populo datur. In populo autem duo genera hominum continentur, quidam proni ad malum, qui sunt per praecepta legis coercendi, ut supra dictum est; quidam habentes inclinationem ad bonum, vel ex natura vel ex consuetudine, vel magis ex gratia; et tales sunt per legis praeceptum instruendi et in melius promovendi. Quantum igitur ad utrumque genus hominum, expediebat praecepta caeremonialia in veteri lege multiplicari. Erant enim in illo populo aliqui ad idololatriam proni, et ideo necesse erat ut ab idololatriae cultu per praecepta caeremonialia revocarentur ad cultum Dei. Et quia multipliciter homines idololatriae deserviebant, oportebat e contrario multa institui ad singula reprimenda, et iterum multa talibus imponi, ut, quasi oneratis ex his quae ad cultum Dei impenderent, non vacaret idololatriae deservire. Ex parte vero eorum qui erant prompti ad bonum, etiam necessaria fuit multiplicatio caeremonialium praeceptorum. Tum quia per hoc diversimode mens eorum referebatur in Deum, et magis assidue. Tum etiam quia mysterium Christi, quod per huiusmodi caeremonialia figurabatur, multiplices utilitates attulit mundo, et multa circa ipsum consideranda erant, quae oportuit per diversa caeremonialia figurari.

Iª-IIae q. 101 a. 3 ad 1

Ad primum ergo dicendum quod, quando id quod ordinatur ad finem, est sufficiens ad ducendum in finem, tunc sufficit unum ad unum finem, sicut una medicina, si sit efficax, sufficit quandoque ad sanitatem inducendam, et tunc non oportet multiplicari medicinam. Sed propter debilitatem et imperfectionem eius quod est ad finem, oportet eam multiplicari, sicut multa remedia adhibentur infirmo, quando unum non sufficit ad sanandum. Caeremoniae autem veteris legis invalidae et imperfectae erant et ad repraesentandum Christi mysterium, quod est superexcellens; et ad subiugandum mentes hominum Deo. Unde apostolus dicit, ad Heb. VII, reprobatio fit praecedentis mandati, propter infirmitatem et inutilitatem, nihil enim ad perfectum adduxit lex. Et ideo oportuit huiusmodi caeremonias multiplicari.

Iª-IIae q. 101 a. 3 ad 2

Ad secundum dicendum quod sapientis legislatoris est minores transgressiones permittere, ut maiores caveantur. Et ideo, ut caveretur transgressio idololatriae, et superbiae quae in Iudaeorum cordibus nasceretur si omnia praecepta legis implerent, non propter hoc praetermisit Deus multa caeremonialia praecepta tradere, quia de facili sumebant ex hoc transgrediendi occasionem.

Iª-IIae q. 101 a. 3 ad 3

Ad tertium dicendum quod vetus lex in multis diminuit corporalem cultum. Propter quod statuit quod non in omni loco sacrificia offerrentur, neque a quibuslibet. Et multa huiusmodi statuit ad diminutionem exterioris cultus; sicut etiam Rabbi Moyses Aegyptius dicit. Oportebat tamen non ita attenuare corporalem cultum Dei, ut homines ad cultum Daemonum declinarent.

Translation Hide
Summe der Theologie

Dritter Artikel. Es mußte viele Ceremonialvorschriften geben.

a) Wenige mußten deren sein. Denn: I. Das Zweckdienliche muß dem Zwecke entsprechen. Die Ceremonialvorschriften aber haben zum Zwecke den Kult Gottes und das Vorbilden Christi, wovon geschrieben steht: „Einer ist euer Gott, von dem Alles; und Einer der Herr Jesus Christus, durch den Alles.“ 1. Kor. 8. II. Die Menge solcher Vorschriften war eine Gelegenheit zu deren Übertretung, wie Petrus sagt (Act. 15, 10.): „Was versucht ihr Gott, daß ihr auflegen wollt auf den Nacken der Schüler ein Joch, welches weder wir noch unsere Väter tragen konnten?“ III. Die Ceremonialvorschriften richteten sich auf den äußerlichen und körperlichen Kult Gottes. Ein derartiger Kult aber mußte durch das „Gesetz“ eher vermindert werden, da dieses zu Christo hinlenkte, der die Menschen lehrte, „im Geiste und in der Wahrheit Gott anzubeten.“ Auf der anderen Seite steht geschrieben bei Osee 8.: „Aufschreiben werde ich ihm meine vielfachen Gesetze;“ und Job 11.: „Damit Er dir zeige die Geheimnisse der Weisheit, daß Vieles enthält sein Gesetz.“

b) Ich antworte, jedes Gesetz werde einem Volke gegeben. Zwei Arten von Menschen aber finden sich da: die zum Bösen Geneigten, die das Gesetz züchtigen muß; und die von Natur oder aus Gewohnheit oder vermöge der Gnade zur Tugend Hingeneigten, die das Gesetz unterrichten und zum Besseren führen muß. Und mit Rücksicht auf beide Arten von Menschen mußten die Ceremonialvorschriften im „Gesetze“ vervielfältigt werden. Denn es waren da viele, die zum Götzendienste hinneigten; deshalb mußten diese durch Ceremonialvorschriften zum Kulte des einen wahren Gottes gezogen werden. Und weil in vielfacher Weise die Menschen Götzendienst trieben, deshalb mußten viele derartige Ceremonialvorschriften im einzelnen sein. Zudem mußte man sie gleichsam beschweren mit vielen Vorschriften, damit sie so veranlaßt würden, am Kulte Gottes teilzunehmen und keine Zeit hätten für den Götzendienst. Aber auch von seiten der zum Guten Geneigten bedürfte es einer Menge Ceremonialvorschriften, damit in verschiedenartigster Weise ihr Geist zu Christo mehr und mehr hingewendet würde und damit auch das Mysterium Christi, das durch diese Vorschriften versinnbildet wurde, vielfachen Nutzen für die Welt brächte.

c) I. Wenn ein Zweckdienliches genügend ist, so bedarf es nicht mehrerer; wie wenn eine Medizin wirksam ist, nicht mehrere genommen werden müssen, um die Gesundheit zu erlangen. Jedoch die Ceremonien des Alten Gesetzes waren unzureichend und ohnmächtig einzeln für sich, um die Fülle des Geheimnisses Christi auszudrücken und uns Gott unterwürfig zu machen. Vgl. Hebr. 7, 18. II. Der Gesetzgeber muß kleinere Übertretungen zulassen, will anders er weise sein; damit größere vermieden werden. Auf daß also die Sünde des Götzendienstes und des Hochmuts vermieden werde, welche Wurzel gefaßt hätte im Herzen der Juden, wenn sie alle Vorschriften des „Gesetzes“ erfüllt haben würden; — deshalb unterließ Gott nicht, viele Ceremonialgesetze zu geben, denn es war dann leicht, eines zu übertreten und so sich zu verdemütigen. III. Thatsächlich hat das Gesetz in vielen Dingen den äußeren Kult verringert. So z. B. durfte nicht an jedem Orte und nicht von jedem geopfert werden. Jedoch durfte die Verminderung nicht so weit gehen, daß die Menschen in den Kult der Dämonen gefallen wären.