Edition Hide
Summa theologiae

Articulus 2

Iª-IIae q. 109 a. 2 arg. 1

Ad secundum sic proceditur. Videtur quod homo possit velle et facere bonum absque gratia. Illud enim est in hominis potestate cuius ipse est dominus. Sed homo est dominus suorum actuum, et maxime eius quod est velle, ut supra dictum est. Ergo homo potest velle et facere bonum per seipsum absque auxilio gratiae.

Iª-IIae q. 109 a. 2 arg. 2

Praeterea, unumquodque magis potest in id quod est sibi secundum naturam, quam in id quod est sibi praeter naturam. Sed peccatum est contra naturam, ut Damascenus dicit, in II libro, opus autem virtutis est homini secundum naturam, ut supra dictum est. Cum igitur homo per seipsum possit peccare, videtur quod multo magis per seipsum possit bonum velle et facere.

Iª-IIae q. 109 a. 2 arg. 3

Praeterea, bonum intellectus est verum, ut philosophus dicit, in VI Ethic. Sed intellectus potest cognoscere verum per seipsum, sicut et quaelibet alia res potest suam naturalem operationem per se facere. Ergo multo magis homo potest per seipsum facere et velle bonum.

Iª-IIae q. 109 a. 2 s. c.

Sed contra est quod apostolus dicit, Rom. IX, non est volentis, scilicet velle, neque currentis, scilicet currere, sed miserentis Dei. Et Augustinus dicit, in libro de Corrept. et gratia, quod sine gratia nullum prorsus, sive cogitando, sive volendo et amando, sive agendo, faciunt homines bonum.

Iª-IIae q. 109 a. 2 co.

Respondeo dicendum quod natura hominis dupliciter potest considerari, uno modo, in sui integritate, sicut fuit in primo parente ante peccatum; alio modo, secundum quod est corrupta in nobis post peccatum primi parentis. Secundum autem utrumque statum, natura humana indiget auxilio divino ad faciendum vel volendum quodcumque bonum, sicut primo movente, ut dictum est. Sed in statu naturae integrae, quantum ad sufficientiam operativae virtutis, poterat homo per sua naturalia velle et operari bonum suae naturae proportionatum, quale est bonum virtutis acquisitae, non autem bonum superexcedens, quale est bonum virtutis infusae. Sed in statu naturae corruptae etiam deficit homo ab hoc quod secundum suam naturam potest, ut non possit totum huiusmodi bonum implere per sua naturalia. Quia tamen natura humana per peccatum non est totaliter corrupta, ut scilicet toto bono naturae privetur; potest quidem etiam in statu naturae corruptae, per virtutem suae naturae aliquod bonum particulare agere, sicut aedificare domos, plantare vineas, et alia huiusmodi; non tamen totum bonum sibi connaturale, ita quod in nullo deficiat. Sicut homo infirmus potest per seipsum aliquem motum habere; non tamen perfecte potest moveri motu hominis sani, nisi sanetur auxilio medicinae. Sic igitur virtute gratuita superaddita virtuti naturae indiget homo in statu naturae integrae quantum ad unum, scilicet ad operandum et volendum bonum supernaturale. Sed in statu naturae corruptae, quantum ad duo, scilicet ut sanetur; et ulterius ut bonum supernaturalis virtutis operetur, quod est meritorium. Ulterius autem in utroque statu indiget homo auxilio divino ut ab ipso moveatur ad bene agendum.

Iª-IIae q. 109 a. 2 ad 1

Ad primum ergo dicendum quod homo est dominus suorum actuum, et volendi et non volendi, propter deliberationem rationis, quae potest flecti ad unam partem vel ad aliam. Sed quod deliberet vel non deliberet, si huius etiam sit dominus, oportet quod hoc sit per deliberationem praecedentem. Et cum hoc non procedat in infinitum, oportet quod finaliter deveniatur ad hoc quod liberum arbitrium hominis moveatur ab aliquo exteriori principio quod est supra mentem humanam, scilicet a Deo; ut etiam philosophus probat in cap. de bona fortuna. Unde mens hominis etiam sani non ita habet dominium sui actus quin indigeat moveri a Deo. Et multo magis liberum arbitrium hominis infirmi post peccatum, quod impeditur a bono per corruptionem naturae.

Iª-IIae q. 109 a. 2 ad 2

Ad secundum dicendum quod peccare nihil aliud est quam deficere a bono quod convenit alicui secundum suam naturam. Unaquaeque autem res creata, sicut esse non habet nisi ab alio, et in se considerata est nihil, ita indiget conservari in bono suae naturae convenienti ab alio. Potest autem per seipsam deficere a bono, sicut et per seipsam potest deficere in non esse, nisi divinitus conservaretur.

Iª-IIae q. 109 a. 2 ad 3

Ad tertium dicendum quod etiam verum non potest homo cognoscere sine auxilio divino, sicut supra dictum est. Et tamen magis est natura humana corrupta per peccatum quantum ad appetitum boni, quam quantum ad cognitionem veri.

Translation Hide
Summe der Theologie

Zweiter Artikel. Ohne Gnade kann der Mensch nichts Gutes wollen oder thun.

a) Das Gegenteil wird dargethan. Denn: I. Der Mensch ist Herr seines Handelns und zumal seines Wollens. Also steht es in seiner Gewalt das Gute zu wollen. II. Jegliches Ding richtet sich mit mehr Kraft auf das seiner Natur Entsprechende wie auf das, was außerhalb seiner Natur steht. Die Sünde aber ist gegen die Natur, nach Damascenus (2. de orth. fide 30.); und das Tugendwerk ist der menschlichen Natur gemäß. Da also der Mensch von sich aus sündigen kann, so kann er auch von sich aus um so mehr Gutes thun und wollen. III. „Das der Vernunft entsprechende Gut ist das Wahre,“ nach 6 Ethic c. 2. Die Vernunft aber kann von sich aus Wahres erkennen, wie jedes Ding die ihm natürliche Thätigkeit von sich aus entfalten kann. Also kann um so mehr der Mensch von sich aus wollen und thun das Gute. Auf der anderen Seite heißt es Röm. 9.: „Nicht dem wollenden gehört das Wollen; und nicht dem laufenden das Laufen; sondern dem allerbarmenden Gotte.“ Und Augustinus sagt (de corr. et grat. 2.): „Ohne die Gnade thun die Menschen keinerlei Gutes, weder in Gedanken noch im Wollen, weder im Handeln noch im Lieben.“

b) Ich antworte, die Natur könne betrachtet werden entweder in ihrer Unversehrtheit, wie sie im Stammvater war; oder in ihrer Verderbtheit, wie sie in uns sich findet infolge der Sünde des Stammvaters. In beiden Fällen bedarf die menschliche Natur des göttlichen Beistandes, um etwas Gutes zu thun oder zu wollen, insofern sie von Gott den ersten Anstoß zur Thätigkeit erhält (vgl. Art. 1). Im Stande der Unversehrtheit aber konnte der Mensch vermittelst seiner natürlichen Kräfte thun und wollen das zu seiner Natur im gebührenden Verhältnisse stehende Gute, also das der erworbenen Tugend; nicht aber das seine Kräfte übersteigende Gute, das der eingegossenen Tugend entsprechende. Im Stande der verderbten Natur jedoch kann auch der Mensch nicht hinreichenderweise alles jenes Gute wollen oder thun, wozu seine natürlichen Kräfte genügen. Da nun die Natur durch die Sünde nicht ganz und gar verderbt ist, so kann der Mensch vermittelst der Kraft seiner Natur manches beschränkte Gute noch thun oder wollen, wie Häuser bauen, Weinberge pflanzen etc. So etwa kann der kranke Mensch wohl von sich selbst einigermaßen sich bewegen; aber nicht voll selbständig, wie ein gesunder Mensch, wenn ihm nicht der Beistand der Arznei hilft. In der unversehrten Natur also bedürfte der Mensch der zu seinen natürlichen Kräften hinzugefügten Gnadenkraft nur dazu, daß er das übernatürliche Gute wolle und thue; in der verderbten Natur aber dazu, daß er auf das Übernatürliche sich richte, d. h. verdienstliche Werke thue, und zugleich daß er geheilt werde. In beiden Fällen muß immerdar der erste Anstoß zur einzelnen Thätigkeit vom göttlichen Beistande ausgehen.

c) I. Auf Grund der vernünftigen Überlegung, welche auf den einen Teil oder auf den anderen entgegengesetzten sich richten kann, ist der Mensch Herr seiner Handlungen. Daß er aber überlegt oder nicht, darüber ist er wohl auch Herr, jedoch muß dies auf Grund eines vorhergehenden Überlegens sich vollziehen; und da man hier nicht bis ins Endlose vorgehen kann, so muß man schließlich dazu kommen, daß der freie Wille von einem ihm äußerlichen Princip in Bewegung gesetzt ist, nämlich von einem Princip über der Natur, von Gott. Nicht so hat also der Mensch, auch im Stande der Unversehrtheit, die Herrschaft über sich selbst, daß er nicht dessen bedürfte, von seiten Gottes in Thätigkeit gesetzt zu werden. II. „Sündigen“ heißt „abfallen“ vom Gute, was der betreffenden Natur entspricht. Wie also jedes Ding von sich aus zum Nichts sinkt, so sündigt es auch von sich allein aus. Soll es in dem seiner Natur zukömmlichen Guten bewahrt werden, so bedarf diese Natur des Beistandes von jenem, der ihr das Sein gegeben. III. Auch zur Erkenntnis des Wahren gehört der Beistand Gottes; und doch ist die menschliche Natur weniger verderbt durch die Sünde mit Rücksicht auf die Kenntnis des Wahren, wie mit Rücksicht auf das Verlangen, nach dem wahrhaft Guten.