Edition Hide
Summa theologiae

Articulus 1

IIª-IIae q. 64 a. 1 arg. 1

Ad primum sic proceditur. Videtur quod occidere quaecumque viventia sit illicitum. Dicit enim apostolus, ad Rom. XIII, qui ordinationi Dei resistit, ipse sibi damnationem acquirit. Sed per ordinationem divinae providentiae omnia viventia conservantur, secundum illud Psalm., qui producit in montibus faenum, et dat iumentis escam ipsorum. Ergo mortificare quaecumque viventia videtur esse illicitum.

IIª-IIae q. 64 a. 1 arg. 2

Praeterea, homicidium est peccatum ex eo quod homo privatur vita. Sed vita communis est omnibus animalibus et plantis. Ergo eadem ratione videtur esse peccatum occidere bruta animalia et plantas.

IIª-IIae q. 64 a. 1 arg. 3

Praeterea, in lege divina non determinatur specialis poena nisi peccato. Sed occidenti ovem vel bovem alterius statuitur poena determinata in lege divina, ut patet Exod. XXII. Ergo occisio brutorum animalium est peccatum.

IIª-IIae q. 64 a. 1 s. c.

Sed contra est quod Augustinus dicit, in I de Civ. Dei, cum audimus, non occides, non accipimus hoc dictum esse de fructetis, quia nullus eis est sensus, nec de irrationalibus animalibus, quia nulla nobis ratione sociantur. Restat ergo ut de homine intelligamus quod dictum est, non occides.

IIª-IIae q. 64 a. 1 co.

Respondeo dicendum quod nullus peccat ex hoc quod utitur re aliqua ad hoc ad quod est. In rerum autem ordine imperfectiora sunt propter perfectiora, sicut etiam in generationis via natura ab imperfectis ad perfecta procedit. Et inde est quod sicut in generatione hominis prius est vivum, deinde animal, ultimo autem homo; ita etiam ea quae tantum vivunt, ut plantae, sunt communiter propter omnia animalia, et animalia sunt propter hominem. Et ideo si homo utatur plantis ad utilitatem animalium, et animalibus ad utilitatem hominum, non est illicitum, ut etiam per philosophum patet, in I Polit. Inter alios autem usus maxime necessarius esse videtur ut animalia plantis utantur in cibum, et homines animalibus, quod sine mortificatione eorum fieri non potest. Et ideo licitum est et plantas mortificare in usum animalium, et animalia in usum hominum, ex ipsa ordinatione divina, dicitur enim Gen. I, ecce, dedi vobis omnem herbam et universa ligna, ut sint vobis in escam et cunctis animantibus. Et Gen. IX dicitur, omne quod movetur et vivit, erit vobis in cibum.

IIª-IIae q. 64 a. 1 ad 1

Ad primum ergo dicendum quod ex ordinatione divina conservatur vita animalium et plantarum non propter seipsam, sed propter hominem. Unde ut Augustinus dicit, in I de Civ. Dei, iustissima ordinatione creatoris et vita et mors eorum nostris usibus subditur.

IIª-IIae q. 64 a. 1 ad 2

Ad secundum dicendum quod animalia bruta et plantae non habent vitam rationalem, per quam a seipsis agantur, sed semper aguntur quasi ab alio, naturali quodam impulsu. Et hoc est signum quod sunt naturaliter serva, et aliorum usibus accommodata.

IIª-IIae q. 64 a. 1 ad 3

Ad tertium dicendum quod ille qui occidit bovem alterius peccat quidem, non quia occidit bovem, sed quia damnificat hominem in re sua. Unde non continetur sub peccato homicidii, sed sub peccato furti vel rapinae.

Translation Hide
Summe der Theologie

Erster Artikel. Es ist erlaubt, manche lebende Wesen zu töten.

a) Dies scheint durchaus unerlaubt. Denn: I. Röm. 13. heißt es: „Die der Anordnung Gottes widerstehen, ziehen sich selbst die Verdammnis zu.“ Gottes Anordnung aber erhält Alles was lebt, nach Ps. 146.: „Der da Kraut hervorbringt auf den Bergen und ihre Speise giebt den darauf lebenden Tieren.“ Also töten, was nach Gottes Anordnung lebt, ist unerlaubt. II. Der Totschlag ist eine Sünde, weil dadurch der Mensch des Lebens beraubt wird. Das Leben aber ist gemeinsam den Pflanzen und Tieren. Also darf man auch diesen nicht das Leben nehmen. III. Das Gesetz (Exod. 22.) bestimmt eine Strafe für jenen, der den Ochsen oder das Schaf eines anderen tötet. Also ist das Töten der Tiere Sünde. Auf der anderen Seite sagt Augustin (1. de civ. Dei 20.): „Wenn wir hören: Du sollst nicht töten, so verstehen wir dies nicht von den Pflanzen; denn sie haben keinen Sinn. Wir verstehen es auch nicht von den Tieren; denn die Vernunft eint sie nicht mit uns. Also nur auf den Menschen bezieht sich dies.“

b) Ich antworte, niemand sündige, weil er eine Sache dazu gebraucht, wozu sie geschaffen ist. Die unvollkommenen Dinge aber sind in der Ordnung der Natur wegen der vollkommeneren, wie ja die Natur überhaupt vom Unvollkommenen zum Vollkommenen vorwärts geht, insoweit sie im Werden begriffen ist. Wie also auch im Werden des Menschen zuerst das Lebendige kommt, dann das Sinnliche, und endlich der Mensch; so existiert was nur lebt wie die Pflanzen gemeinhin wegen der Tiere und diese wegen der Menschen. Wenn also der Mensch sich der Pflanzen bedient zum Nutzen der Tiere und der Tiere zum Nutzen der Menschen, so liegt da nichts Unerlaubtes vor. (Vgl. 1. Polit. 5. u. 7.) Vor Allem aber ist es notwendig, daß die Tiere sich der Pflanzen bedienen zur Nahrung und die Menschen ebenso der Tiere, was ohne Tötung nicht geschehen kann. Und deshalb besagt die Anordnung Gottes (Gen. 1.): „Siehe, alles Kraut und alle Fruchtbäume habe ich euch gegeben, daß sie euch zur Speise seien und allen Tieren auf der Erde;“ und Gen. 9.: „Was sich bewegt und lebt, soll euch zur Speise sein.“

c) I. „Nach der Anordnung des allgerechten Schöpfers ist Leben und Tod von Pflanzen und Tieren uns untergeordnet.“ (1. de civ. Dei 20.) II. Tiere und Pflanzen haben keine Vernunft und somit keine Selbstbestimmung, daß sie aus sich thätig seien; sie werden nur von außen getrieben. Das ist das natürliche Anzeichen dafür, daß sie von Natur zum Dienen und zum Gebrauche anderer bestimmt sind. III. Der den Ochsen eines anderen tötet sündigt, weil er dessen Besitzer schädigt.