33.

Ingressi sumus in Ascalona. Ibi est puteus pacis in 10 atitudine maior, in modum theatri factus in quo usque ad aquam per gradus descenditur. Ibi requiescunt tres fratres martyres Aegyptii; propria quidem habent nomina, sed vulgariter Aegyptii vocantur. Ad miliarium civitas Sariphaea et in proximum civitas Majoma Ascalonitis. Exinde venimus incivi tatem Majoma Gazae, in qua requiescit sanctus Victor martyr. De Maioma usque in Gazam miliarium unum. Gaza autem civitas splendida deliciosa, homines honestissimi omni liberalitate decori, amatores peregrinorum. Ad miliarium secundum a Gaza requiescit sanctus pater Hilario.