Edition Masquer
Summa theologiae

Articulus 4

Iª-IIae q. 64 a. 4 arg. 1

Ad quartum sic proceditur. Videtur quod virtus theologica consistat in medio. Bonum enim aliarum virtutum consistit in medio. Sed virtus theologica excedit in bonitate alias virtutes. Ergo virtus theologica multo magis est in medio.

Iª-IIae q. 64 a. 4 arg. 2

Praeterea, medium virtutis accipitur, moralis quidem secundum quod appetitus regulatur per rationem; intellectualis vero secundum quod intellectus noster mensuratur a re. Sed virtus theologica et perficit intellectum, et appetitum, ut supra dictum est. Ergo etiam virtus theologica consistit in medio.

Iª-IIae q. 64 a. 4 arg. 3

Praeterea, spes quae est virtus theologica, medium est inter desperationem et praesumptionem. Similiter etiam fides incedit media inter contrarias haereses, ut Boetius dicit, in libro de duabus naturis, quod enim confitemur in Christo unam personam et duas naturas, medium est inter haeresim Nestorii, qui dicit duas personas et duas naturas; et haeresim Eutychis, qui dicit unam personam et unam naturam. Ergo virtus theologica consistit in medio.

Iª-IIae q. 64 a. 4 s. c.

Sed contra, in omnibus in quibus consistit virtus in medio, contingit peccare per excessum, sicut et per defectum. Sed circa Deum, qui est obiectum virtutis theologicae, non contingit peccare per excessum, dicitur enim Eccli. XLIII, benedicentes Deum, exaltate illum quantum potestis, maior enim est omni laude. Ergo virtus theologica non consistit in medio.

Iª-IIae q. 64 a. 4 co.

Respondeo dicendum quod, sicut dictum est, medium virtutis accipitur per conformitatem ad suam regulam vel mensuram, secundum quod contingit ipsam transcendere vel ab ea deficere. Virtutis autem theologicae duplex potest accipi mensura. Una quidem secundum ipsam rationem virtutis. Et sic mensura et regula virtutis theologicae est ipse Deus, fides enim nostra regulatur secundum veritatem divinam, caritas autem secundum bonitatem eius, spes autem secundum magnitudinem omnipotentiae et pietatis eius. Et ista est mensura excellens omnem humanam facultatem, unde nunquam potest homo tantum diligere Deum quantum diligi debet, nec tantum credere aut sperare in ipsum, quantum debet. Unde multo minus potest ibi esse excessus. Et sic bonum talis virtutis non consistit in medio, sed tanto est melius, quanto magis acceditur ad summum. Alia vero regula vel mensura virtutis theologicae est ex parte nostra, quia etsi non possumus ferri in Deum quantum debemus, debemus tamen ferri in ipsum credendo, sperando et amando, secundum mensuram nostrae conditionis. Unde per accidens potest in virtute theologica considerari medium et extrema, ex parte nostra.

Iª-IIae q. 64 a. 4 ad 1

Ad primum ergo dicendum quod bonum virtutum intellectualium et moralium consistit in medio per conformitatem ad regulam vel mensuram quam transcendere contingit. Quod non est in virtutibus theologicis, per se loquendo, ut dictum est.

Iª-IIae q. 64 a. 4 ad 2

Ad secundum dicendum quod virtutes morales et intellectuales perficiunt intellectum et appetitum nostrum in ordine ad mensuram et regulam creatam, virtutes autem theologicae in ordine ad mensuram et regulam increatam. Unde non est similis ratio.

Iª-IIae q. 64 a. 4 ad 3

Ad tertium dicendum quod spes est media inter praesumptionem et desperationem, ex parte nostra, inquantum scilicet aliquis praesumere dicitur ex eo quod sperat a Deo bonum quod excedit suam conditionem; vel non sperat quod secundum suam conditionem sperare posset. Non autem potest esse superabundantia spei ex parte Dei, cuius bonitas est infinita. Similiter etiam fides est media inter contrarias haereses, non per comparationem ad obiectum, quod est Deus, cui non potest aliquis nimis credere, sed inquantum ipsa opinio humana est media inter contrarias opiniones, ut ex supradictis patet.

Traduction Masquer
Summe der Theologie

Vierter Artikel. Die theologische Tugend und die Mitte.

a) Die theologische Tugend besteht in der Mitte. Denn: I. Das Gute der anderen Tugenden liegt in der Mitte und besteht eben darin; die theologische Tugend aber überragt an Güte alle übrigen. II. Die Mitte der moralischen Tugend wird geregelt durch die Vernunft, die Mitte der Tugend in der Vernunft durch die Sache selbst. Die theologische Tugend aber vollendet den Willen und die Vernunft. Also steht auch sie in der Mitte. III. Die Hoffnung, eine theologische Tugend, ist in der Mitte zwischen Verzweiflung und freventlichem Übermute. Der Glaube steht in der Mitte zwischen den entgegengesetzten Ketzereien. (Boëtius de duab. nat.) Also steht die theologische Tugend in der Mitte. Auf der anderen Seite kann man bei allen Tugenden, wo eine Mitte ist, sündigen durch das „zu viel“. Das ist aber nicht möglich mit Rücksicht auf Gott, von dem Ekkli. 43. es heißt: „Er ist größer als alles Lob.“

b) Ich antworte, die Regel der theologischen Tugenden sei eine doppelte: die eine gemäß dem Wesen und der Natur der Tugend und diese ist Gott selber; denn unser Glaube wird geregelt durch die göttliche Wahrheit, die Liebe durch die Güte Gottes, die Hoffnung durch die Größe seiner Allmacht und seines Wohlwollens. Diese Regel nun ist weit über alles menschliche Können, da niemals der Mensch Gott so lieben, Ihm so glauben, auf Ihn so hoffen kann, wie Gott es verdient und wie der Mensch müßte; da ist also nie ein „zu viel“. Die andere Regel ist von unserer Seite; denn, obgleich wir uns nie in so hohem Grade zu Gott hinwenden können, wie wir müßten, müssen wir doch glauben, hoffen, lieben nach dem Maße, wie es unsere Verhältnisse zulassen. Somit kann eine Mitte in den theologischen Tugenden und ein Äußerstes beobachtet werden, nach dieser Seite hin, von uns nämlich aus.

c) I. Die Mitte, welche den Tugenden in der Vernunft und den moralischen entspricht, kann man überschreiten; was bei den theologischen Tugenden nicht statthat. II. Diese selben Tugenden vollenden die Vernunft und das Begehren gemäß einer geschaffenen Regel; die theologischen Tugenden aber mit Beziehung auf die ungeschaffene. III. Die Hoffnung steht in der Mitte zwischen Verzweiflung und freventlichem Übermute von uns aus, insoweit nämlich jemand von Gott ein Gut hofft, welches die Verhältnisse des Hoffenden übersteigt, wie z. B. Verzeihung der Sünde, ohne daß er bereut oder indem er weiter sündigt; — oder indem er nicht hofft, was er in seinen Verhältnissen hoffen könnte, Verzeihung z. B. auf Grund der Reue. Von seiten Gottes her kann kein Übermaß in die Hoffnung kommen; denn Er ist die unendliche Güte. Auch der Glaube steht in der Mitte zwischen entgegengesetzten Ketzereien; nicht mit Rücksicht auf Gott, dem man nicht zu viel glauben kann, sondern insofern die menschliche Meinung zwischen zwei entgegengesetzten Meinungen die Mitte hält.