Edition Masquer
Summa theologiae

Articulus 5

IIª-IIae q. 27 a. 5 arg. 1

Ad quintum sic proceditur. Videtur quod Deus non possit totaliter amari. Amor enim sequitur cognitionem. Sed Deus non potest totaliter a nobis cognosci, quia hoc esset eum comprehendere. Ergo non potest a nobis totaliter amari.

IIª-IIae q. 27 a. 5 arg. 2

Praeterea, amor est unio quaedam, ut patet per Dionysium, IV cap. de Div. Nom. Sed cor hominis non potest ad Deum uniri totaliter, quia Deus est maior corde nostro, ut dicitur I Ioan. III. Ergo Deus non potest totaliter amari.

IIª-IIae q. 27 a. 5 arg. 3

Praeterea, Deus seipsum totaliter amat. Si igitur ab aliquo alio totaliter amatur, aliquis alius diligit Deum tantum quantum ipse se diligit. Hoc autem est inconveniens. Ergo Deus non potest totaliter diligi ab aliqua creatura.

IIª-IIae q. 27 a. 5 s. c.

Sed contra est quod dicitur Deut. VI, diliges dominum Deum tuum ex toto corde tuo.

IIª-IIae q. 27 a. 5 co.

Respondeo dicendum quod, cum dilectio intelligatur quasi medium inter amantem et amatum, cum quaeritur an Deus possit totaliter diligi, tripliciter potest intelligi. Uno modo, ut modus totalitatis referatur ad rem dilectam. Et sic Deus est totaliter diligendus, quia totum quod ad Deum pertinet homo diligere debet. Alio modo potest intelligi ita quod totalitas referatur ad diligentem. Et sic etiam Deus totaliter diligi debet, quia ex toto posse suo debet homo diligere Deum, et quidquid habet ad Dei amorem ordinare, secundum illud Deut. VI, diliges dominum Deum tuum ex toto corde tuo. Tertio modo potest intelligi secundum comparationem diligentis ad rem dilectam, ut scilicet modus diligentis adaequet modum rei dilectae. Et hoc non potest esse. Cum enim unumquodque intantum diligibile sit inquantum est bonum, Deus, cuius bonitas est infinita, est infinite diligibilis, nulla autem creatura potest Deum infinite diligere, quia omnis virtus creaturae, sive naturalis sive infusa, est finita.

IIª-IIae q. 27 a. 5 ad 1

Et per hoc patet responsio ad obiecta. Nam primae tres obiectiones procedunt secundum hunc tertium sensum, ultima autem ratio procedit in sensu secundo.

Traduction Masquer
Summe der Theologie

Fünfter Artikel. Gott kann ganz und gar geliebt werden.

a) Das wird geleugnet. Denn: I. Die Liebe folgt der Kenntnis. Gott aber kann nicht ganz und gar von uns erkannt werden; sonst könnte man Ihn erschöpfend begreifen. Also. II. Die Liebe ist eine Einigung. „Gott aber ist größer wie das menschliche Herz,“ nach Joh. 3, 20. Also kann unser Herz Ihn nicht ganz und gar fassen. III. Gott liebt ganz und gar Sich selbst. Würde Er also von einer Kreatur ganz und gar geliebt; so würde diese Ihn lieben wie Er selbst Sich liebt, was unzulässig ist. Auf der anderen Seite heißt es Deut. 6.: „Du sollst Gott, deinen Herrn, lieben aus deinem ganzen Herzen.“

b) Ich antworte, da die Liebe zwischen dem liebenden und dem Geliebten vermittelt, so kann dieses „ganz und gar“ in dreifacher Weise verstanden werden; 1. so, daß es auf Gott bezogen wird als auf den geliebten Gegenstand; und danach ist Gott ganz und gar zu lieben, denn Alles was Gott zugehört, ist zu lieben; — 2. so, daß es bezogen wird auf den liebenden; und danach muß Gott ebenfalls ganz und gar geliebt werden, nach Deut. 6.: „Du sollst Gott lieben aus deinem ganzen Herzen;“ — 3. so, daß der liebende verglichen wird mit dem geliebten Gegenstande, daß nämlich das Maß des Liebens gleichkomme dem Maße wie der geliebte Gegenstand liebwert ist; und so ist das „ganz und gar“ falsch. Denn Gott ist das unendliche Gut, die Güte selber; alle Kraft der Kreatur aber ist begrenzt.

c) Damit beantwortet.