Edition Masquer
Summa theologiae

Articulus 2

IIIª q. 55 a. 2 arg. 1

Ad secundum sic proceditur. Videtur conveniens fuisse quod discipuli viderent Christum resurgere. Ad discipulos enim pertinebat resurrectionem Christi testificari, secundum illud Act. IV, virtute magna reddebant apostoli testimonium resurrectionis Iesu Christi, domini nostri. Sed certissimum est testimonium de visu. Ergo conveniens fuisset ut ipsam resurrectionem Christi viderent.

IIIª q. 55 a. 2 arg. 2

Praeterea, ad certitudinem fidei habendam, discipuli ascensionem Christi viderunt, secundum illud Act. I, videntibus illis, elevatus est. Sed similiter oporteret de resurrectione Christi certam fidem habere. Ergo videtur quod, discipulis videntibus, debuerit Christus resurgere.

IIIª q. 55 a. 2 arg. 3

Praeterea, resurrectio Lazari quoddam indicium fuit futurae resurrectionis Christi. Sed, discipulis videntibus, dominus Lazarum suscitavit. Ergo videtur quod etiam Christus resurgere debuerit, discipulis videntibus.

IIIª q. 55 a. 2 s. c.

Sed contra est quod dicitur Marci ult., resurgens dominus mane prima sabbati, apparuit primo Mariae Magdalenae. Sed Maria Magdalena non vidit eum resurgere, sed, cum eum quaereret in sepulcro, audivit ab Angelo, surrexit dominus, non est hic. Ergo nullus vidit eum resurgere.

IIIª q. 55 a. 2 co.

Respondeo dicendum quod, sicut apostolus dicit, Rom. XIII, quae a Deo sunt, ordinata sunt. Est autem hic ordo divinitus institutus, ut ea quae supra homines sunt, hominibus per Angelos revelentur, ut patet per Dionysium, IV cap. Cael. Hier. Christus autem resurgens non rediit ad vitam communiter omnibus notam, sed ad vitam quandam immortalem et Deo conformem, secundum illud Rom. VI, quod enim vivit, vivit Deo. Et ideo ipsa Christi resurrectio non debuit immediate ab hominibus videri, sed eis ab Angelis nuntiari. Unde Hilarius dicit, super Matth., quod ideo Angelus prior resurrectionis est index, ut quodam famulatu paternae voluntatis resurrectio nuntiaretur.

IIIª q. 55 a. 2 ad 1

Ad primum ergo dicendum quod apostoli potuerunt testificari Christi resurrectionem etiam de visu, quia Christum post resurrectionem viventem oculata fide viderunt, quem mortuum sciverant. Sed sicut ad visionem beatam pervenitur per auditum fidei, ita ad visionem Christi resurgentis pervenerunt homines per ea quae prius ab Angelis audierunt.

IIIª q. 55 a. 2 ad 2

Ad secundum dicendum quod ascensio Christi, quantum ad terminum a quo, non transcendebat hominum communem notitiam, sed solum quantum ad terminum ad quem. Et ideo discipuli potuerunt videre ascensionem Christi quantum ad terminum a quo, idest secundum quod elevabatur a terra. Non autem viderunt ipsam quantum ad terminum ad quem, quia non viderunt quomodo reciperetur in caelo. Sed resurrectio Christi transcendebat communem notitiam et quantum ad terminum a quo, secundum quod anima rediit ab Inferis et corpus de sepulcro clauso exivit; et quantum ad terminum ad quem, secundum quod est adeptus vitam gloriosam. Et ideo non debuit resurrectio fieri sic quod ab homine videretur.

IIIª q. 55 a. 2 ad 3

Ad tertium dicendum quod Lazarus resuscitatus est ut rediret ad vitam qualem prius habuerat, quae communem notitiam hominum non transcendit. Et ideo non est similis ratio.

Traduction Masquer
Summe der Theologie

Zweiter Artikel. Es war zukömmlich, daß die Jünger den Herrn nicht auferstehen sahen.

a) Dies war nicht zukömmlich. Denn: I. Die Jünger sollten die Auferstehung Christi bezeugen, nach Act. 4.:
„Mit großer Kraft gaben die Apostel Zeugnis von der Auferstehung unseres
Herrn Jesu Christi.“ Das sicherste Zeugnis aber ist das von Augenzeugen. II. Die Auffahrt gen Himmel sahen mit eigenen Augen die Jünger,
nach Act. 1, 9. Also hätten sie, um davon festen Glauben zu haben, auch
die Auferstehung sehen sollen. III. Wie der Herr den Lazarus auferweckte, das sahen die Jünger.
Dies war aber nur ein Zeichen der Auferstehung des Herrn selber. Also
hätten sie diese um so mehr sehen sollen. Auf der anderen Seite ist der Herr nach Mark. ult. zuerst der Maria Magdalena erschienen. Aber auch sie hat den Herrn nicht auferstehen sehen, sondern der Engel sagte ihr: „Er ist auferstanden; Er ist nicht hier.“

b) Ich antworte; „was von Gott ist, das schließt Ordnung in sich ein“ (Röm. 13.). Nun ist aber dies die von Gott aufgestellte Ordnung, daß das, was über den Menschen erhaben ist, vermittelst der Engel geoffenbart wird; nach Dionysius (4. de coel. hier.). Da nun Christus durch die Auferstehung nicht zu dem allen Menschen gemeinsamen, vergänglichen Leben zurückkehrte, sondern unsterbliches, der Gottheit gleichförmiges Leben annahm (Röm. 6, 10.); durfte die Auferstehung nicht von Menschen gesehen werden, sondern Engel mußten sie den Menschen künden. Darum sagt Hilarius (ult. sup. Matth.): „Deshalb zeigt zuerst ein Engel die Auferstehung an, damit so die Engel als Diener des göttlichen Willens, auch bei der Auferstehung, erscheinen.“

c) I. Die Apostel konnten als Augenzeugen sprechen; denn sie schautenmit Augen den lebenden Heiland, von dem sie wußten, daß Er gestorben war. Wie man aber zur Herrlichkeit nur gelangt durch das Anhören des Wortes des Glaubens, so gelangten die Menschen zum Schauen des auferstandenen Heilandes dadurch, daß sie auf die Worte des Engels hörten. II. Wird bei der Himmelfahrt berücksichtigt der Ausgangspunkt, so
übersteigt sie nicht die allen zugängliche Kenntnis; sondern nur wenn man
auf den Zielpunkt sieht. Den Ausgangspunkt also, nämlich das Erheben
von der Erde, sahen die Jünger; aber sie sahen nicht, wie Er in den
Himmel eintrat. Die Auferstehung jedoch überragte die gewöhnliche Kenntnis
auch in Anbetracht des Ausgangspunktes, nämlich der Rückkehr vom Tode;
und deshalb sahen sie dieselbe gar nicht. III. Lazarus kehrte zu jenem Leben zurück, das er früher gehabt;
nämlich zum vergänglichen. Das aber übersteigt nicht die gewöhnliche Kenntnis der Menschen.