32.

Deinde deviantes ad latus venimus in civitatem quae dicitur Eleutheropolis, in loco in quo Samson in maxilla asini occidit mille viros, ex qua fons processit, qui fons usque in hodiernum diem irrigat ipsa loca. Nam et ad locum ubi S. 23 exsurgit, fuimus. lnde venimus, ubi Zacharias occisus est et iacet in corpore; basilica pulchra ornata et servi dei multi. Inde venimus in locum ubi Esaias a serra secatus est vel iacet, quae serra pro testimonio ad sanctum Zachariam est posita.

Exinde venimus ad locum ubi Ambacuc prandium portavit messoribus. Et inde fons exsurgit, ubi baptizavit Philippus eunuchum. In quibus locis sunt putei, quos foderunt Abraham et lacob, hoc est, puteus coniurationis et puteus calumniae.