39.

Inter Sina et Horeb est vallis, in qua certis temporibus descendit ros de coelo, quem manna appellant et collegitur et fit tamquam granum masticis et colligitur et doleos exinde plenos habent in monasterio, unde et benedictionem dant ampullas modicas. Nam et nobis inde dederunt sextarios quinque.

Ex quo etiam pro condito bibunt et nobis dederunt et bibimus. Nam et in ipsis montibus leo et pardus et onagri et durgones, qui et capreae, et burdones, qui in montibus molunt, simul pascuntur et nullus eorum a leone laeditur propter vastitatem eremi. Et quia iam se complebant dies festi Saracenorum,praeco exivit: ut, qui non subsistaret, absisteret per eremum reverti per quam ingressi sumus, alii per Aegyptum, alii per Arabiam reverterentur in sanctam civitatem.