Edition Hide
Consolatio philosophiae

VIII.

[1] Nihil igitur dubium est, quin hae ad beatitudinem viae devia quaedam sint, nec perducere quemquam eo valeant, ad quod se S. 86 perducturas esse promittunt. [2] Quantis vero implicitae malis sint, brevissime monstrabo. Quid enim? Pecuniamne congregare conaberis? [3] Sed eripies habenti. Dignitatibus fulgere velis? Danti supplicabis et, qui praeire ceteros honore cupis, poscendi humilitate vilesces. Potentiamne desideras? [4] Subiectorum insidiis obnoxius periculis subiacebis. Gloriam petas? [5] Sed per aspera quaeque distractus securus esse desistis. Voluptariam vitam degas? [6] Sed quis non spernat atque abiciat vilissimae fragilissimaeque rei, corporis, servum?

[7] Iam vero qui bona prae se corporis ferunt, quam exigua, quam fragili possessione nituntur! Num enim elephantos mole, tauros robore superare poteritis, num tigres velocitate praeibitis? [8] Respicite caeli spatium, firmitudinem, celeritatem et aliquando desinite vilia mirari. Quod quidem caelum non his potius est quam sua, qua regitur ratione, mirandum.

[9] Formae vero nitor ut rapidus est, ut velox et vernalium florum mutabilitate fugacior! [10] Quodsi, ut Aristoteles ait, Lyncei oculis homines uterentur, ut eorum visus obstantia penetraret, nonne introspectis visceribus illud Alcibiadis superficie pulcherrimum corpus turpissimum videretur? Igitur te pulchrum videri non tua natura, sed oculorum spectantium reddit infirmitas.

[11] Sed aestimate quam vultis nimio corporis bona, dum sciatis hoc, quodcumque miramini, triduanae febris igniculo posse dissolvi.

[12] Ex quibus omnibus illud redigere in summam licet, quod haec, quae nec praestare, quae pollicentur, bona possunt nec omnium bonorum congregatione perfecta sunt, ea nec ad beatitudinem quasi quidam calles ferunt nec beatos ipsa perficiunt.

Eheu, quae miseros tramite devios

Abducit ignorantia.

Non aurum in viridi quaeritis arbore

Nec vite gemmas carpitis,

Non altis laqueos montibus abditis,

Ut pisce ditetis dapes,

Nec vobis capreas si libeat sequi,

Tyrrhena captatis vada.

Ipsos quin etiam fluctibus abditos

Norunt recessus aequoris,

S. 88 Quae gemmis niveis unda feracior,

Vel quae rubentis purpurae

Nec non quae tenero pisce vel asperis

Praestent echinis litora.

Sed quonam lateat, quod cupiunt bonum,

Nescire caeci sustinent,

Et, quod stelliferum transabiit polum,

Tellure demersi petunt.

Quid dignum stolidis mentibus imprecer?

Opes, honores ambiant

Et, cum falsa gravi mole paraverint,

Tum vera cognoscant bona.

Translation Hide
Trost der Philosophie (BKV)

VIII.

Weh euch! Unwissenheit führt euch beklagenswert

Auf falschem Wege weit vom Ziel.

Nicht sucht Gold im Gezweig grünender Bäume ihr,

Nicht auf der Rebe Edelstein,

Nicht auf hohem Gebirg werft ihr die Netze aus

Nach Fischen, eurer Tafel Schmuck;

Und verfolgt ihr die Spur flüchtiger Gemsen Schar,

So steigt ihr nicht zum Seegestad'.

Selbst das kennen sie wohl, was mit den Fluten deckt

Des Meeres dunkelstes Versteck,

S. 89 Wo die Woge im Schoß schimmernde Perlen birgt,

Woher der rote Purpur stammt.

Auch das Meeresgestad' kennt ihr, wo zarter Fisch

Und wo der rauhe Seestern wohnt.

Wo das Gut sich verbirgt, das ihr doch alle sucht,

Das ist euch Blinden unbekannt.

Was dem Sternengezelt jenseits verborgen schwebt,

Gesenkt zur Erde sucht's der Blick.

Was erwünsche ich jetzt wohl für den dumpfen Geist?

Nach Schätzen, Ehren geizt er nur,

Doch wenn schwer ihn bedrückt lastend das falsche Gut,

Dann möge er das wahre schaun.