Caput XII. Qualiter Matutinorum sollemnitas agatur

[1] In matutinis dominico die, in primis dicatur sexagesimus sextus psalmus, sine antiphona, in directum. [2] Post quem dicatur quinquagesimus cum alleluia. [3] Post quem dicatur centesimus septimus decimus et sexagesimus secundus. [4] Inde benedictiones et laudes, lectionem de Apocalypsis una ex corde, et responsorium, ambrosianum, versu, canticum de Evangelia, litania, et completum est.