42.

Intus autem in pelago ipso ad milia XII est insula modica: petra viva, in qua pendent digiti molles ut carnei inmodum dactalorum, qui fundunt unguentum quod oleum petrinum S. 31 appellant, quod pro grandi benedictione tollitur. Vas quo portatur, si impletum fuerit et volueris retemptare ad tollendum, iam non id recipit nec tenet. ln quem locum quanticunque aegroti maxime daemoniaci pertingere potuerint, omnes salvantur.

Quod tollentes pro benedictione non eum permittit iterum exire per Clisma, sed commiscetur cum oleo. Nam et si non adulteraretur credo quia ipsam virtutem semper operaretur, nam liquor ipsius unguenti tenet continuo per milia duo. Odor quidem sulphureus. Qualisvis enim tempestas maris sit, intra littoreillo sic stat. Intra civitatem ipsam Clisma intus in basilica vidimus locellos ligneos sanctorum patrum eremitarum ultra decem et octo.